Жоғарыда көрсетілген деректемелерге екінші деңгейлі банктердің кассасы арқылы қолма-қол ақша енгізу:

• Төлем мақсатына: «Сауда қатысушысының Т.А.Ә., ЖСН және сауда нөмірі» деп жазу қажет
  (Мысал: «Алибеков Алибек Алибекович үшін кепілдік жарна, ЖСН 850000850000, сауда №000000»).

Кепілдік жарна төлем жасалған картаға қайтарылады

Жоқ, онлайн төлемді кез келген картамен жасауға болады, тек әртүрлі жәрдемақыларға арналған төлем карталарынан басқа.

Иә, бірақ төлем мақсатына: «Сауда қатысушысының Т.А.Ә., ЖСН және сауда нөмірі» деп жазу қажет
(Мысал: «Алибеков Алибек Алибекович үшін кепілдік жарна, ЖСН 850000850000, сауда №000000»).

Мүмкін, сіз төлемнің дұрыс емес КНП нөмірін енгізген шығарсыз немесе төлем мақсатына қатысушының ЖСН/БСН көрсетпеген шығарсыз. Егер төлем кезінде барлығы дұрыс көрсетілсе, банкіңізден нақтылау қажет. Кепілдік жарнасының төлем коды 857 болуы тиіс.

Жоқ. Өтінім беру үшін ақша «Ақпараттық-есептеу орталығы» АҚ есепшотына нақты түсуі және «Төлемдер (аударымдар)» бөлімінде көрсетілуі тиіс.

1. Мемлекеттік мүлік тізілімінің веб-порталында мүлікті сату бойынша электрондық сауда-саттықты өткізу регламентінің 35-тармағына сәйкес (2014 жылғы 23 мамырдағы №66 «Ақпараттық-есептеу орталығы» АҚ Директорлар кеңесінің шешімімен бекітілген), жеңімпаз қатысушының кепілдік жарнасы ұйымдастырушы арқылы жеңімпаз анықталған күннен бастап үш жұмыс күні ішінде сатушының есепшотына аударылады және сатып алу-сату шарты бойынша төлемге есептеледі.
Егер кепілдік жарна сомасы сату бағасынан асып кетсе, ұйымдастырушы жеңімпазға айырмашылықты сатушы мен сатып алушы Порталда шартқа қол қойған күннен бастап үш жұмыс күнінен кешіктірмей қайтарады.

2. ҚР Қаржы министрінің 2015 жылғы 30 наурыздағы №227 бұйрығымен бекітілген, соттың үкімімен тәркілеуге немесе мемлекет меншігіне беруге байланысты мүлікті іске асыру немесе пайдалану қағидаларына сәйкес, жеңімпаз қатысушының кепілдік жарнасы сатып алу-сату шарты бойынша төлемге есептеледі.
Бірегей оператор сатушы ЭЦҚ арқылы Порталда қол қойған өтініш негізінде кепілдік жарнаны тиісті бюджетке үш жұмыс күні ішінде аударады.
Егер кепілдік жарна сомасы сату бағасынан асып кетсе, жеңімпазға айырмашылық сатушы мен сатып алушы шартқа қол қойған күннен бастап үш жұмыс күнінен кешіктірмей қайтарылады.

3. ҚР Үкіметінің 2011 жылғы 9 тамыздағы №920 қаулысымен бекітілген жекешелендіру объектілерін сату қағидаларына сәйкес, жеңімпаз қатысушының кепілдік жарнасы сатып алу-сату шарты бойынша төлемге есептеледі.
Бірегей оператор шартқа Порталда қол қойылғаннан кейін үш жұмыс күнінен кешіктірмей кепілдік жарнаны шарттың 3.1.1-тармағында көрсетілген реквизиттерге аударады.
Егер кепілдік жарна сомасы сату бағасынан асып кетсе, жеңімпазға айырмашылық үш жұмыс күнінен кешіктірмей қайтарылады.

4. Қазақстан Республикасы Ұлттық экономика министрінің 2015 жылғы 16 қаңтардағы №17 бұйрығымен бекітілген «Мемлекеттік мүлікті сенімгерлік басқаруға беру қағидаларына» және 2015 жылғы 17 наурыздағы №212 бұйрығымен бекітілген «Мемлекеттік мүлікті мүліктік жалға (арендаға) беру қағидаларына» сәйкес, Бірыңғай оператор кепілдік жарнаны аудару туралы өтінішті өтінім беруші/жалға беруші ЭЦҚ арқылы Порталда қол қойған күннен бастап үш жұмыс күнінен кешіктірмей, тендерде жеңімпаз болған қатысушының кепілдік жарнасын өтінім берушінің/жалға берушінің есепшотына аударады.

5. Қазақстан Республикасы Қаржы министрінің 2015 жылғы 17 наурыздағы №178 бұйрығымен бекітілген «Банкроттың мүлкін (активтерін) сату бойынша электрондық аукцион өткізу қағидаларына» сәйкес, электрондық аукцион жеңімпазының кепілдік жарнасы аукционды ұйымдастырушы тарапынан борышкердің есепшотына аукцион өткен күннен бастап үш жұмыс күні ішінде аударылады және сатып алу-сату шарты бойынша төлемдер есебіне жатқызылады.
Кепілдік жарналарды аудару және қайтару ұйымдастырушы тарапынан веб-порталда қатысушы немесе сатушы ЭЦҚ-мен қол қойған электрондық өтініш негізінде жүргізіледі.

6. Қазақстан Республикасы Қаржы министрінің 2018 жылғы 1 ақпандағы №111 бұйрығымен бекітілген «Салық төлеушінің және (немесе) үшінші тұлғаның кепілге қойылған мүлкін, сондай-ақ салық төлеушінің (салық агентінің) пайдалануға шектеу қойылған мүлкін салық берешегі, кедендік төлемдер, салықтар, арнайы, демпингке қарсы, өтемақы алымдары, өсімпұлдар, пайыздар бойынша берешек есебінен өткізу қағидаларына» сәйкес, сату бағасы, оның ішінде кепілдік жарнасы, сауда өткен күннен бастап сегіз жұмыс күні ішінде ұйымдастырушы тарапынан компанияның банктік шотына аударылады.

Сауда өткен күннен бастап үш жұмыс күні ішінде

Саудаға қатысуға өтінім бермеген тұлғалардың кепілдік жарналары веб-порталда кепілдік жарнаны қайтару туралы өтінішті ЭЦҚ арқылы қол қойған күннен бастап үш жұмыс күні ішінде ұйымдастырушы тарапынан қайтарылады. «Төлемдер (аударымдар)» бөлімінде төлемді тауып, қайтару туралы өтініш қалыптастырып, ЭЦҚ арқылы қол қою қажет.

Мемлекеттік мүлік тізілімінің веб-порталымен өтінімді қабылдаудан бас тартуға негіз – «Ақпараттық-есептеу орталығы» АҚ директорлар кеңесінің 2014 жылғы 23 мамырдағы №66 шешімімен бекітілген мемлекеттік мүлік тізілімінің веб-порталында мүлікті сату бойынша электрондық сауда-саттық өткізу регламентінің 22-тармағында және 23-тармағының бірінші абзацында көрсетілген талаптардың сақталмауы, сондай-ақ сауда басталғанға дейін екі сағат ішінде ұйымдастырушының шотына кепілдік жарнаның түспеуі болып табылады.

Қатысушының жеке кабинетінде кепілдік жарнаны қайтару туралы өтініштің мәртебесі «Қатысушы қол қоймаған» дегеннен «Қатысушы қол қойған» дегенге өзгереді.

Төлем мемлекеттік мүлік тізілімінің веб-порталымен қалыптастырылған, бірақ әлі жіберілмеген. Сауда ұйымдастырушысы кепілдік жарнаны аудару рәсімдерін жүргізуде.

Кепілдік жарна қатысушыға қайтарылды

Жеке деректердегі «Банк деректемелері» бөлімінде қатысушы өзіне тиесілі есеп-шотты көрсетуге міндетті. Пайдаланушы келісімінің 2-бөлім, 2.6-тармақшасына сәйкес, қатысушы өзінің жеке деректерін сақтау, жүктеу және пайдалануына жазбаша келісім береді. 3.1.1-тармақшасына сәйкес, Пайдаланушы аталған Келісімнің шарттарын бұзған жағдайда, «Ақпараттық-есептік орталығы» АҚ пайдаланушыны тіркеуден бас тартуға, пайдаланушының тіркелгісін жоюға немесе бұғаттауға құқылы.

Жеке кабинетіңізде «Қате төлемдер» қойындысын тексеру қажет. Онда банктер қайтарған барлық төлемдер көрсетіледі, олар қатысушылар қате деректемелер көрсеткен жағдайда «Ақпараттық-есептік орталығы» АҚ-на қайтарылады (әртүрлі жәрдемақыларға арналған шоттар/қатысушыға тиесілі емес/жабылған шоттар және т.б.). Егер кепілдік жарнаңыз осы қойындыда болса, жеке кабинетте банк деректемелерін түзетіп, дұрыс мәліметтерді енгізіп, «Қате төлемдер» қойындысында қайтадан өтінім жасап, ЭЦҚ арқылы қол қою қажет.

Егер кепілдік жарна қолма-қолсыз төлем арқылы аударылса, өз банкіңізге жүгініп, төлем тапсырмасының нөмірі мен күнін беру қажет. Онлайн төлем кезінде epay.kkb.kz сайтының техникалық қолдау қызметіне, «Қазақстан Халық Банкі» АҚ-ға 8-7272-585-139 телефоны бойынша хабарласып, төлемнің 12 таңбалы референс нөмірін хабарлау қажет.

Кепілдік жарнасын қайтару туралы өтінімге ЭЦҚ арқылы қол қоюдың қажеті жоқ, ол үш жұмыс күні ішінде автоматты түрде жіберіледі.

Саудаға қатысуға өтінім берген кезде қатысушы көрсеткен деректемелерге қайтарылады.

Мемлекеттік мүлік тізілімінің веб-порталында сатып алу-сату шартына ЭЦҚ арқылы қол қойылғаннан кейін үш жұмыс күні ішінде жеңімпаздың кепілдік жарнасы тиісті бюджетке аударылады.

ҚР заңнамасында және ЭТП операторының ішкі ережелерінде белгіленген нормаларға сәйкес, мүлікті өткізу немесе мүлікті жалға (қозғалмайтын мүлікті жалға беру) не сенімгерлік басқаруға беру бөлігінде хаттама сатушы мен жеңімпаз тарапынан веб-порталда ЭЦҚ арқылы сауда өткен күні қол қойылады.

Мүлікті өткізу немесе мүлікті жалға (қозғалмайтын мүлікті жалға беру) беру бойынша электрондық сауда өткізу туралы хабарламалар веб-порталда Сатушылар/жалға берушілер тарапынан жарияланады. Әр хабарламада сатушы мен баланс ұстаушы туралы ақпарат (мекенжай, байланыс деректері) көрсетіледі. Сондықтан мүліктің техникалық жағдайына немесе жалға беру бойынша сауда шарттарына қатысты сұрақтарыңыз болса, Сатушыға/жалға берушіге жүгіну қажет.

ҚР заңнамасында белгіленген нормаларға сәйкес, мүлікті өткізу бөлігінде мемлекеттік мүліктің баланс ұстаушысы жекешелендіру нысанының сақталуына және меншік құқығы сатып алушыға өткенге дейін жекешелендіру нысаны бойынша деректердің дұрыстығына жауап береді. Хабарлама жарияланғаннан кейін баланс ұстаушы жекешелендіру нысанын сатып алғысы келетіндерге нысанды еркін көруге мүмкіндік береді.

Мүлікті өткізу немесе мүлікті жалға беру не сенімгерлік басқаруға беру бөлігіндегі ережелермен мемлекеттік мүлік тізілімінің веб-порталында жарияланған сауда өткізу туралы хабарламада танысуға болады. «Өткізу ережелері» бөлімінде «Толығырақ» батырмасын басып, толық мәтінімен танысу үшін белсенді сілтеме бойынша өту қажет (көк түспен ерекшеленген).