Бағаны төмендету тәсілімен аукцион өткізу қағидалары:

1) егер аукцион басталғаннан кейін 2 екі минуттың ішінде қатысушылардың ешқайсысы жекешелендіру объектісін сатып алу ниетін растаған жоқ болса, жекешелендіру объектісінің бастапқы бағасы Қазақстан Республикасы Үкіметінің 2011 жылғы 09 тамыздағы №920 тоғыз жүз жиырма қаулысымен бекітілген жекешелендіру объектілерін сату қағидаларына сәйкес белгіленген қадамға төмендетіледі;

2) егер баға төмендетілгеннен кейінгі 2 екі минуттың ішінде қатысушылардың ешқайсысы жекешелендіру объектісін сатып алу ниетін растаған жоқ болса, жекешелендіру объектісінің соңғы жарияланған бағасы белгіленген қадамға төмендетіледі.

Бағаны төмендету тәсілімен өткізілген аукционның жеңімпазы жарияланған баға бойынша жекешелендіру объектісін сатып алу ниетін бірінші болып растаған қатысушы болып танылады және аукцион өткізілген болып есептеледі;

3) егер жекешелендіру объектісінің бағасы белгіленген ең төменгі мөлшерге жетіп, қатысушылардың ешқайсысы жекешелендіру объектісін сатып алу ниетін растаған жоқ болса, аукцион өткізілмеген болып есептеледі.

Тек 1 бір қатысушы қатысқан аукцион өткізілген болып есептеледі, егер ол бастапқы немесе ағымдағы бағаны растаған жағдайда.

Егер бағаны төмендету тәсілімен өткізілетін аукционның 17:00 он жеті нөл-нөл сағатта аяқталу сәтінде аукционның жеңімпазы анықталмаған болса, аукцион осы жекешелендіру объектісі бойынша өткізілмеген болып есептеледі.

Әрбір сатылған мүлік бойынша аукцион нәтижелері Сауда нәтижелері туралы хаттамамен рәсімделеді, ол веб-порталда сатушы мен жеңімпаздың ЭЦҚ қол қоюымен аукцион өткізілген күні рәсімделеді.

Сату-сатып алу шарты электрондық форматта веб-порталда жасалады және сатушы мен сатып алушы ЭЦҚ қол қою арқылы Сауда нәтижелері туралы хаттама рәсімделген күннен бастап 2 екі жұмыс күні ішінде, Қазақстан Республикасы Ұлттық экономика министрінің 2015 жылғы 31 наурыздағы №290 екі жүз тоқсан бұйрығымен бекітілген Қағидалардың 36 отыз алты тармағына сәйкес рәсімделеді.