Сенімгерлік басқару мерзімі: 1 жыл; 2. Автокөлікті тек қана өзінің нысаналы мақсаты бойынша пайдалану; 3. Автомобиль көлігімен мүгедектігі бар адамдарды тасымалдау жөнінде қызметтер көрсету қағидаларына сәйкес, инватакси қызметін алуға құқығы бар Ақтау қаласы бойынша мүгедектігі бар адамдарға және балаларға көлік қызметін, өтінімдер санына қарамастан (Ақтау қаласында тұратын айына кемінде 20 адам көлемінде) қамтамасыз ету; 4. Қызмет көрсету демалыс және мереке күндерін қоса алғанда аптасына 7 күн тәулік бойы жүргізілуі тиіс; 5. Маршруттар, көрсетілетін қызметті алушылардың тапсырыс беру уақыты мен саны туралы деректерді қоса алғанда, сапарлар туралы ай сайынғы есепті ұсыну; 6. Инватакси қызметтерін көрсету үшін бекітілген пункттер мен объектілер тізбесіне сәйкес мүгедектігі бар адамдарды жеткізу және кері әкету; 7. Ілесіп жүретін адам болмаған жағдайда өтінімдерді қабылдау, мүгедектігі бар адамға тұрғылықты жерінен инватаксиге дейін жүріп-тұруға көмектесу, сондай-ақ отырғызу/түсіру (қажет болған жағдайда), мүгедектігі бар адамды және ілесіп жүрушіні белгіленген пунктке дейін жеткізу; 8. Объектіні ақаусыз күйде ұстау, объектіге зақым келтіретін іс-әрекеттер жасамау, өз есебінен ағымдағы жөндеу жүргізу және мүлікті ұстау бойынша шығыстарды (жөндеу, техникалық байқау, техникалық сақтандыру, жанар-жағармай материалдарына арналған шығыстар және т. б.) көтеру; 9. Автокөлікке сәйкес келетін ЖЖМ және қосалқы бөлшектерді қолдану; 10. Балас ұстаушының жазбаша рұқсатынсыз объектіні қайта жабдықтауды жүзеге асырмау; 11. Объектінің өрттен, жарылыстардан, авариялардан, дүлей зілзалалардан сақталуын, санитариялық-эпидемиологиялық нормалар мен өрт қауіпсіздігі қағидаларының сақталуын және жол жүрісі қағидаларының сақталуын және объектіні пайдалануға қатысты өзге де талаптарды қамтамасыз ету; 12. Объектіні ұрлау және зақымдау мүмкіндігін болдырмайтын қауіпсіз жерде сақтау; 13. Басқару кезеңінде талаптарға сәйкес оъектіні иеліктен шығармау, кепілге бермеу, объектіні басқа заңды тұлғаларға салым ретінде пайдаланбау; 14. Иинватакси қызметін алуға құқығы бар Ақтау қаласы бойынша мүгедектігі бар адамдар мен балалар өтінімдерінің орындалмай қалмауын болдырмау; 15. Сапарлар тізілімін жүргізу (дербес деректерді сақтай отырып); 16. Объектінің орналасқан жерін нақты уақыт режимінде бақылауға қол жеткізу; 17. Объектіні кейіннен сатып алу құқығынсыз сенімгерлік басқаруға беру кезінде сенімгерлік басқарушыға сыйақы мөлшері 50 % құрайды; 18. Сыйақыны шегергенде құрылтайшының сенімгерлік басқаруынан түсетін таза табысты қалалық бюджеттің кірісіне аударуды қамтамасыз ету.