ҚР Экологиялық кодексіне, қолданыстағы санитариялық нормалар мен ережелерге және басқа да нормативтік-құқықтық актілерге сәйкес сенімгерлік басқару мерзімі ішінде қалдықтарды орналастыру және көму мақсатында полигонның үздіксіз жұмыс істеуін қамтамасыз ету.

Қазақстан Республикасының қолданыстағы заңнамасына сәйкес қажетті болып табылатын барлық рұқсат беру құжаттарын уәкілетті мемлекеттік органдардан алу.

«Өндірістік бақылауды жүзеге асыруға қойылатын санитариялық-эпидемиологиялық талаптар» санитариялық қағидаларын бекіту туралы Қазақстан Республикасы Денсаулық сақтау министрінің 2023 жылғы 7 сәуірдегі № 62 бұйрығына сәйкес бағдарлама әзірлеу және өндірістік бақылауды жүзеге асыру.

Тендерге қатысушы үміткерлер Қазақстан Республикасының қолданыстағы экологиялық, санитариялық-эпидемиологиялық және өзге де нормативтік құқықтық актілерінің талаптарын ескере отырып, 2025–2028 жылдарға арналған сенімгерлік басқару кезеңіне бизнес-жоспар ұсынуы тиіс. Ұсынылатын бизнес-жоспарда төменде көрсетілген міндеттемелердің кезең-кезеңімен орындалуы көзделуі қажет: 1. 2025–2026 жылдары – қоқыс полигонының аумағын тиісті тәртіппен қоршау; 2. 2026–2027 жылдары – бейнебақылау камераларын орнату және ауыл тұрғындарымен тұрмыстық қалдықтарды шығару бойынша келісімшарттар жасасу; 3. 2027–2028 жылдары – қатты тұрмыстық қалдықтарды қайта өңдеуге арналған арнайы құрылғылар сатып алу және қайта өңдеу жұмыстарын жүргізуді ұйымдастыру.

Объектінің кірме жолдарын жыл бойы күтіп ұстау, оның ішінде қардан тазарту, жазғы уақытта жүру бөлігін тегістеу.

ТҚҚ күтіп ұстау және қызмет көрсету үшін өзінде арнайы техниканың болуы немесе жалға алынған техниканың болуы.

Байқоныс ауылдық округінің тұратын жері бойынша салық төлеуші ретінде тіркеу есебіне қою.

Объектіні тиісті тәртіпте ұстауға, теңгерім ұстаушының келісімімен өз есебінен ағымдағы және күрделі жөндеу жүргізу. Объектіге немесе онда орналасқан инженерлік коммуникацияларға зақым келтіруі мүмкін әрекеттерді жасамау.

Көлік құралдарының кедергісіз кіруі үшін бір жыл мерзім ішінде объектіні абаттандыру бойынша жұмыстарды атқару, полигон қоршауы жарамсыз болған жағдайда жөндеуді қамтамасыз ету, жер телімінің айналасын таза ұстау.

Қоқыстардың өздігінен жануын немесе өртенуін болдырмау үшін шаралар қолдану.

Жергілікті атқарушы орган айқындаған ауылды санитарлық тазалау бойынша айлық (сенбілік) кезінде қоғамдық орындарды санитарлық тазалаумен айналысатын мамандандырылған техникалардың кедергісіз кіруін қамтамасыз ету.

Нысанда жұмыстарды қолданыстағы санитарлық, экологиялық және өртке қарсы заңдарға сәйкес жүзеге асыру.

Полигон аумағына бөгде адамдардың кіруіне және орналасуына жол бермеу.

Әрбір тоқсанның қорытындысы бойынша атқарылған жұмыстар және табыс туралы есепті келесі айдың 10-шы күнінен кешіктірмей тапсыру.

Полигонға төгілген қатты тұрмыстық қалдықтардың есебін жүргізу, қалдықтарды тасымалдаған көлік құралдары туралы ақпаратты тіркеу.

Полигонда қатты тұрмыстық қалдықтарды реттеу жұмыстарын жүргізу үшін тұрақты негізде 1 қызметкердің болуын қамтамасыз ету.

Тұрмыстық қалдықтарды шығару бойынша көрсетілетін қызметтерге ақы төлеуді автоматтандыру.

Белгіленген жерден тыс жерге тұрмыстық қалдықтарды тастаған тұлғалар анықталған жағдайда, дәлелді құжаттармен бірге тиісті мекемелерге ақпарат беру.

Ауыл тұрғындарынан шығатын септик қалдықтарын (кәріз сулары мен фекалийлік массаларды) қатты тұрмыстық қалдықтар полигонына төгуге қатаң тыйым салынады. Аталған қалдықтар тек арнайы белгіленген тазарту немесе залалсыздандыру нысандарына жіберілуі тиіс. Өлген малдардың (өлекселердің) полигон аумағына тасымалдануына және орналастырылуына жол берілмейді. Бұл қалдықтар ветеринарлық-санитарлық ережелерге сәйкес арнайы мал көмінді орындарында немесе биотермиялық шұңқырларда жойылуы қажет.