Объектінің ақаусыз техникалық жай-күйін, оның үздіксіз жұмысын және оны пайдалану кезіндегі қауіпсіздігін 15 жыл мерзімге қамтамасыз ету үшін объектіні кейіннен сатып алу құқығынсыз сенімгерлік басқаруға береді.

Тендерге қатысушылардың білікті персоналы, берілетін объектіге техникалық қызмет көрсету үшін қажетті жабдықтары мен техникасы болуы тиіс.

Тендерге қатысушылар тендерде жеңіске жеткен және сенімгерлікпен басқару шартын жасасқан жағдайда сенімгерлікпен басқару құрылтайшысына өз қызметі туралы мерзімдер бойынша есептілікті және жедел ақпаратты: Премьер-Министр орынбасарының бұйрығымен айқындалған тәртіппен ұсынылатын мемлекеттік меншікке байланысты мүліктік сипаттағы және қаржылық қызметтің барлық мәмілелері туралы есепті ұсынады - Қазақстан Республикасы Қаржы министрінің 2023 жылғы 31 шілдедегі № 816 "мемлекеттік мүлікті басқару жөніндегі функцияларды орындауға қатысатын жеке және заңды тұлғалардың мүліктік сипаттағы барлық мәмілелер және мемлекеттік меншікке байланысты қаржылық қызмет туралы есептерді ұсыну қағидалары мен мерзімдерін бекіту туралы"; басқарманың аралық нәтижелері көрсетілетін жылдық есеп; мемлекеттік мүлікті басқару жөніндегі мемлекеттік мүлікті басқару нәтижелері баяндалатын сенімгерлік басқару шартының бүкіл қолданылу кезеңі. Жылдық есепте мынадай ақпарат қамтылады: сенімгерлік басқарушының сенімгерлік басқару нәтижесінде алған кірістері туралы; сенімгерлік басқарушының сенімгерлік басқару нәтижесінде шеккен шығыстары туралы; сенімгерлік басқарушының сенімгерлік басқару шеңберінде қабылдаған әрекеттері туралы; құрылтайшының жазбаша сұрау салуы бойынша берілетін мемлекеттік мүлікті сенімгерлік басқаруға байланысты өзге де мәліметтер. Шарттың бүкіл кезеңі үшін мемлекеттік мүлікті сенімгерлік басқару жөніндегі қызмет туралы есепте мынадай ақпарат қамтылады: бүкіл кезең үшін мемлекеттік мүлікті сенімгерлік басқарудың жиынтық қаржылық көрсеткіштері; бүкіл кезең үшін сенімгерлік басқарушының сыйақы мөлшері; бүкіл кезең үшін мемлекеттік мүлікті сенімгерлік басқарудың нақты көрсеткіштерін салыстырмалы талдау; бүкіл кезең үшін мемлекеттік мүлікті сенімгерлік басқаруға байланысты өзге де мәліметтер, сенімгерлік басқару құрылтайшысының жазбаша сұрау салуы бойынша ұсынылатын. Есептерге есептердегі ақпаратты растайтын құжаттардың көшірмелері қоса беріледі.

Тендерге қатысушылар тендерде жеңіске жеткен және сенімгерлік басқару шартын жасасқан жағдайда объектіні кепілге бермеуге, үшінші тұлғалардың құқықтарына ауыртпалық түсірмеуге және Сенімгерлік басқару құрылтайшысының келісімінсіз шарттың қолданылу мерзімі ішінде үшінші тұлғаларға сатуға ұсынбауға міндеттенеді

Тендерге қатысушылар тендерде жеңіске жеткен және сенімгерлік басқару шартын жасасқан жағдайда Сенімгерлік коммуналдық мүлік (активтер) үшін, сондай-ақ Объектіні басқару кезінде құрылтайшының мүдделеріне келтірілген кез келген зиян немесе залал үшін толық материалдық жауаптылықта болады.

Сенімгерлік басқаруға берілетін мүлік мемлекеттік мекеменің балансында бекітіліп берілуіне және кейіннен сатып алу құқығынсыз берілуіне байланысты, тендерде жеңіске жеткен және сенімгерлік басқару шарты жасалған жағдайда, мүлік салығы, жер салығы бойынша салық міндеттемелерін тендерге қатысушылар орындауға жатпайды.

Сенімгерлік басқаруға берілетін мүлік мемлекеттік мекеменің балансында бекітіліп берілуіне және кейіннен сатып алу құқығынсыз берілуіне байланысты мүлікті күрделі жөндеу, реконструкциялау, жаңғырту жөніндегі міндеттемелер немесе берілетін негізгі құралдарды пайдалану жүзеге асырылуы қажет немесе онсыз мүмкін болмайтын өзге де күрделі шығыстар мүліктің меншік иесінің орындауына жатады.