1. Нысан сатып алу құқығынсыз сенімгерлік басқаруға 2030 жылға дейін беріледі; 2. Нысанды мақсатына сәйкес пайдалану; 3. Мемлекеттік меншік нысанының сақталуын қамтамасыз ету; 4. Барлық ғимараттар мен құрылыстарды мақсатына сай пайдалану; 5. Қала әкімдігі бекіткен маршруттар бойынша жолаушылар мен багажды тасымалдау арқылы қала және оның маңындағы елді мекендер тұрғындарына қызмет көрсету және автовокзал мен такси қызметін қамтамасыз ету; 6. Бекітілген желілерді автобустың жеткілікті мөлшерімен қамтамасыз ету; 7. Парк пен аумақтардың тұтастығын қатаң сақтау; 8. Қала әкімдігінің өтінімі бойынша автобустың қажетті санын бөлу; 9. Бекітілген штаттық кестеге сай жұмыс орындарын сақтау ешқандай қысқартулар мен оңтайландырулар жоқ; 10. Штаттық кестеге сәйкес қызметкерлерге еңбек ақыны уақытылы төлеуді қамтамасыз ету; 11. Облыстық мәслихат бекіткен тарифтің сақталуын қамтамасыз ету; 12. Жұмыс орындарын қажетті құрал-жабдықтармен және құрылғылармен қамтамасыз ету; 13. Еңбек қауіпсіздігі және еңбекті қорғау талаптарын сақтау; 14. Паркте және қала ішінде экологиялық талаптарды сақтау; 15. Шарттарда қарастырылған өтеу кестесіне сәйкес «Өнеркәсіпті дамыту қоры» АҚ алдындағы лизингтік төлемдерді төлеу бойынша міндеттемелердің: оның ішінде лизинг төлемдері мен есептелген сыйақыны толық және уақытылы орындалуын қамтамасыз ету, қаржы лизингі шарттары шеңберінде қаржылық және қаржылық емес сипаттағы барлық міндеттемелерді орындауға; 16. Нысанды қабылдау және сенімгерлік басқаруға беру кезінде қалыптасқан дебиторлық және кредиторлық берешектердің толық өтелуін қамтамасыз ету; 17. Мемлекеттік сатып алу порталы арқылы 2025 жылға жасалынған келісім-шарттардың толық орындалуын қамтамасыз ету; 18. Түнгі уақытта тұрақ кезінде жүргізушіні ауыстыру аяқталғаннан кейін автобустарды мен такси жинау-жуу жұмыстарын ұйымдастыру және орындау: жолаушылар және жүргізуші орындықтарын, бүйір және артқы терезелерді, терезе әйнектерін тазалау-жуу жұмыстары, қабырғаларды, төбені, алдыңғы панельді, аспаптар қалқанын, пандустарды және автобустар салонының еденін қаптау, автобустар салонының еденін шаңсорғышпен сору, сыртқы қабырғалармен әйнектердің және автошиналардың айналасын жуу жұмыстары; 19. Түңгі тұрақ кезінде автобустарға жанармай құюды ұйымдастыру. Ауысым алдында жүргізушілерді медициналық тексеруді, диспетчерлік жұмысты ұйымдастыру: әрбір маршрутқа жол парақтарын, жүргізушілерге терминалды міндетті түрде қолдануға беру. Бұзылған жағдайда нормативтік-техникалық, пайдалану құжаттамасының талаптарына сәйкес автокөлікке техникалық қызмет көрсету және жөндеу (қосалқы бөлшектер мен пайдалану шығыс материалдарын ауыстыра отырып) қызметтерін ұйымдастыру; 20. Автокөлік құралдарының техникалық жарамды жай-күйін қамтамасыз ету және міндетті техникалық байқаудан өтпеген автокөлік құралдарының маршрутқа шығуына жол бермеу; 21. Техникалық пайдалану қағидаларына сәйкес автобустарға техникалық қызмет көрсетуді және жөндеуді қамтамасыз ету, әрбір маршрутқа шығарар алдында техникалық жарамды және тексерілген автобустармен тасымалдауды ұйымдастыру; 22. Әрбір жүргізушіні рейс алдында және рейстен кейін медициналық тексеруден өтуді қамтамасыз ету; 23. Багаждың уақытылы тасымалдануын және сақталуын қамтамасыз ету; 24. Аялдамалардың атауын жариялау; 25. Қызметті жүзеге асыру процесінде мүлік салығы, жер салығы, қосымша құн салығы және басқа да салықтар бойынша міндеттемелерін орындау; 26. Сенімгерлік басқарушы баланс ұстаушыға қабылдау-беру актісі бойынша белгіленген мерзімде қалыпты тозуды ескере отырып беруге, оны алған жағдайдағыдай қайтаруға, объектіні қайтару кезінде кемшіліктер туындаған жағдайда оны дереу өтеуге немесе шығыстарды өтеуге (төлеуге) міндеттеледі; 27. Құрылтайшының алдын ала жазбаша рұқсатынсыз объектіні және онда орналасқан желілер мен коммуникацияларды қайта орналастыру жүзеге асырылмайды және объектіде орналасқан инженерлік коммуникацияларды зақымдауы мүмкін әрекеттер жасалмау тиіс; 28. Берілген Объектіні Қазақстан Республикасының өрт қауіпсіздігі қағидаларының тиісті нормаларына сәйкес бастапқы өрт сөндіру құралдарымен қамтамасыз ету, өрт сөндіру құралдарын тексеру, өрт қауіпсіздігі нормаларын сақтау, олар бұзылған жағдайда анықталған кемшіліктерді жою; 29. Сенімгерлік басқарушының кінәсінен туындаған және сенімгерлік мүлікке өрт салдарынан зиян келтірген жағдайда қалпына келтіру жөніндегі барлық шығыстар сенімгерлік басқарушыға жүктеледі; 30. Сенімгерлік басқарушы нысаның аумағында еңбек қауіпсіздігі мен еңбекті қорғау, еңбек ережелерін сақтау және санитарлық нормалар мен ережелерді сақтау үшін жауапкершілікті өзіне алады; 31. Шарт бойынша өз құқықтарын бермеуге, оларды шаруашылық серіктестіктердің, жарғылық капиталына салым жарна ретінде енгізбеуге тиіс; 32. Сенімгерлік басқаруға байланысты объектінің қызметі бойынша есеп айырысулар жүргізу үшін жеке банктік шот ашылады; 33. Жергілікті бюджеттің кірісіне сенімгерлік басқарудан түскен таза табысты (сыйақыны шегергенде) аударуды қамтамасыз етеді; 34. Жыл сайын 1 сәуірге дейін Құрылтайшыға жылдық есеп берілсін: Жылдық есепте келесі ақпарат болуы керек: - сенімгерлік басқарушының сенімгерлік басқару нәтижесінде алған табыстары туралы; - сенімгерлік басқарушының сенімгерлік басқару нәтижесінде шеккен шығыстары туралы; - құрылтайшының жазбаша сұранымы бойынша ұсынылатын мемлекеттік мүлікті сенімгерлікпен басқаруға байланысты өзге де мәліметтер. Есепте қамтылған ақпаратты растайтын құжаттардың көшірмелері Есепке қоса беріледі; 35. Қалалық жолаушылар тасымалында автобустардың қозғалысына диспетчерлік басшылықты ұйымдастыру. Жолаушылар мен багажды қалалық және қала маңындағы автомобильмен тасымалдаудың жүйелілігін ұйымдастыру; 36. Автовокзал мен такси қызметінің диспетчерлік басшылығын ұйымдастыру; 36. Қажетті шығыстарды өтеу, сондай-ақ, материалдық-техникалық базаны жабдықтау мен нығайту бойынша жөндеу жұмыстары сенімгерлік басқаруға берілген объектілерді пайдаланудан түскен кірістер есебінен және жыл бойына қаралған субсидия көлемінде жүзеге асырылады, қажет болған жағдайда объектінің үздіксіз жұмыс істеуі үшін қосымша жабдықты сатып алу, осы тармақ бойынша бақылау жасау толығымен басқару органы – Қызылорда қаласы әкімдігінің калалық тұрғын үй-коммуналдық шаруашылығы, жолаушылар көлігі және автомобиль жолдары бөлімі жүзеге асырады; 37. Алып жатқан аумақты абаттандыруды және күтіп ұстауды, коммуналдық қызметтерді (электр, жылу, сумен жабдықтау, кәріз және т.б.) төлеуді сеніп тапсырылған мүлікті пайдаланудан түскен кірістерден жүзеге асыру.