Уәкілетті органның актілерінде айқындалатын жылу энергиясын берудің басталу және аяқталу мерзімдерін сақтауға;

Табиғи монополияларды реттеу, бәсекелестікті және тұтынушылардың құқықтарын қорғау Комитетінің, ҚР ҰЭМ Түркістан облысы бойынша департаменті бекіткен тарифтер бойынша «Жылу» МКК арқылы мемлекеттік ұйымдарға, заңды және жеке тұлғаларға жылу энергиясын тұрақты түрде ұсыну және ҚР заңына сәйкес тарифтерді бекітуге;

"Энергия өндіруші ұйымдар үшін күзгі-қысқы кезеңде отынның пайдалану қорының нормаларын бекіту туралы" Қазақстан Республикасы Энергетика министрінің 2016 жылғы 22 сәуірдегі №172 бұйрығына сәйкес барлық жылыту маусымына оңтайлы температураны ұстап тұру үшін қажетті отын қоры болуға;

Басқару кезеңінде меншікті қаражат есебінен жылыту маусымының басталуына қазандықтардың дайындық паспортын Балансұстаушыға ұсынуға;

Сенімгерлік басқару кезеңінде қазандық жабдықтарына кемінде жылына бір рет сервистік қызмет көрсетілуі тиіс, ал кемшіліктер анықталған жағдайда олар тозу, пайдалану мерзімінің өтуі немесе сынуына байланысты жаңғырту немесе ауыстыру арқылы жойылуға;

Белгіленген жабдық шарттың қолданылу мерзімі өткеннен кейін баланс ұстаушының коммуналдық меншігінде қалдыруға;

Қауіпсіздік техникасы, экологиялық нормалары мен өрт қауіпсіздігі ережелерінің талаптарын сақтауға;

Нысанға 10 000 000 000,0 теңге инвестиция салуды қамтамасыз етуге;

Жылу қазандығындағы қызметкерлерді тұрақты жұмыспен қамтамасыз етуге;

ҚР ҚЖ 2.04-01-2017 Құрылыс Климатологиясына сәйкес «Жылу» МКК жылу энергиясын жеткізуді қамтамасыз етуге;

Апаттық жағдай орын алғанда Балансұстаушыға хабарлауға;

Қызметін заңнама талаптарына, оның ішінде табиғи монополиялар туралы заңнамаға сәйкес, белгіленген тәртіппен тіркелу және тарифтік саясатты сақтау бөлігінде жүзеге асыруға міндетті.