Бағаны көтеру аукционын өткізу қағидалары:
1) егер аукцион басталғаннан кейін жиырма минут ішінде аукцион залында қатысушылардың ешқайсысы пайдаланылмайтын мүлікті беру, іске асыру, жою, кәдеге жарату, көму және қайта өңдеу, сондай-ақ пайдаланылмайтын қорғаныс объектілерін мүліктік жалдауға (жалға) беру қағидаларына сәйкес белгіленген қадамға сату объектісінің старттық бағасын көтеру арқылы оны сатып алуға ниетін раста-маса, онда осы сату объектісі бойынша аукцион өткізілмеген деп танылады. Аталған қағидалар Қазақстан Республикасы Үкіметінің 2019 жылғы 6 қарашадағы №832 қаулысымен бекітілген;
2) егер аукцион басталғаннан кейін жиырма минут ішінде аукцион залында қатысушылардың бірі қағидаларға сәйкес белгіленген қадамға сату объектісінің старттық бағасын көтеру арқылы оны сатып алуға ниетін растаған жағдайда, старттық баға белгіленген қадамға ұлғайтылады;
3) егер ағымдағы бағаны көтергеннен кейінгі жиырма минут ішінде қатысушылардың ешқайсысы ағымдағы бағаны көтеру арқылы сату объектісін сатып алуға ниетін раста-маса, онда соңғы болып ниетін растаған қатысушы жеңімпаз деп танылады, ал осы сату объектісі бойынша аукцион өткізілді деп есептеледі.
Бағаны көтеру аукционы қатысушылардың бірі ең жоғары бағаны ұсынғанға дейін жалғасады.
Бағаны көтеру аукционы старттық бағаның кемінде екі қадамға көтерілуі жағдайында ғана өткізілген деп танылады, әрі осы екі көтеруді кемінде екі қатысушы жасауы тиіс.
Егер бағаны көтеру аукционы 17:00-де аяқталған сәтте жеңімпаз анықталмаса, соңғы болып ниетін растаған қатысушы жеңімпаз деп танылады және осы объект бойынша аукцион өткізілді деп есептеледі.
Әрбір сатылған объект бойынша аукцион нәтижелері сауда нәтижелері туралы хаттамамен рәсімделеді, ол Комиссиямен және жеңімпазбен ЭЦҚ қолдана отырып сауда күні веб-порталда қол қойылады.
Сатып алу-сату шарты веб-порталда электрондық форматта жасалады және уәкілетті ұйым мен сатып алушы тарапынан сауда нәтижелері туралы хаттамаға қол қойылған күннен бастап он жұмыс күнінен аспайтын мерзімде ЭЦҚ арқылы қол қойылады.
Сауданы жеңіп алған тұлға сатып алу-сату шартын жасамаған жағдайда, сондай-ақ сатып алушы сатып алу-сату шарты бойынша міндеттемелерді орындамаған немесе тиісінше орындамаған жағдайда, олардың енгізген кепілдік жарнасы жойылады және уәкілетті ұйымның қарамағында қалады.
