Әлеуметтік қызметтер субъектілеріне мүлікті өтеусіз беру кезіндегі сауда-саттықтарды өткізу ережелері:

1. Тізілім веб-порталында әлеуметтік қызметтер субъектілерінен (мемлекеттік заңды тұлға нысанында тіркелген арнайы әлеуметтік қызметтерді ұсынатын субъектілерге, әлеуметтік-медициналық мекемелерге, мектептерге, балабақшаларға, мүгедектер және ұариялар үйлеріне, балалар үйлері) Қазақстан Республикасы Қаржы министрінің 2015 жылғы 30 наурыздағы № 227 бұйрығымен бекітілген мүлікті тәркілеу бөлігінде қылмыстық іс бойынша сот үкімі негізінде не мүлікті мемлекетке беру туралы шешім негізінде тыйым салынған мүлікті өткізу немесе пайдалану қағидасының 7 тармағы 2) тармақшасына сәйкес мүлікті өтеусіз алуға өтінімді тізілімнің веб-порталында хабарлама жарияланған күннен бастап күнтізбелік он бес күн ішінде қабылданады.

Өтінімге заңды тұлғаны мемлекеттік тіркеу (қайта тіркеу) туралы куәлік не болмаса анықтама және жарғының (ереженің) сканерленген көшірмесі қоса беріледі.

2. Мүлікті өтеусіз алуға өтінімді ашу хабарламада көрсетілген өтінімдердің аяқталу күні мен уақыты болған кезде автоматты түрде тізілімнің веб-порталы арқылы жүргізіледі.

3. Мүлікті өтеусіз алуға өтінімді уәкілетті орган немесе жергілікті атқарушы орган қарайды, олар өтінімдерді ашу күнінен бастап үш жұмыс күні ішінде тізілімнің веб-порталында өтінімдері қанағаттандырылған әлеуметтік қызметтердің субъектілері туралы ақпаратты жариялайды. Мүлікті алуға ниетті бірнеше өтінім берушілер болған жағдайда өз өтінімін бұрын берген тұлға артықшылықты пайдаланады.

Сауда саттықтардың нәтижелері электрондық хаттамамен ресімделеді, оған сатушы және жеңімпаз ЭЦҚ-ны пайдалана отырып веб-порталда қол қояды.