Сенімгерлік басқарушы Қазақстан Республикасының Су кодексіне, санитарлық нормаларға және басқа нормативтік-құқықтық актілерге сәйкес ауыл тұрғындарын ауыз сумен үздіксіз қамтамасыз етуге міндетті.

Су сапасы мен гигиеналық талаптарды сақтау. Су санитарлық-эпидемиологиялық талаптарға сай болуы тиіс, қажет болған жағдайда су талдауы жүргізіліп, нәтижесі тиісті органдарға ұсынылады.

Скважина аумағын күтіп ұстау. Қоршау, су беру алаңы, сорғы бөлмесі және кіреберіс жолдар таза, қауіпсіз, жарықтандырылған болуы тиіс. Қыста — қардан тазарту, жазда — арамшөпті отау.

Инженерлік құрылғыларды орнату және ұқыпты пайдалану. Су сорғыларын, құбырларды, электр жүйелерін орнату, ақаусыз ұстау, қажет болғанда жөндеу жұмыстарын уақтылы жасау.

Салықтық және міндетті төлемдерді уақытылы орындау. Сенімгерлік басқарушы салық және әлеуметтік аударымдарды заңнамаға сәйкес төлейді.

Электр энергиясын, техникалық қызмет көрсету шығындарын өтеу. Ұңғыманы пайдалану кезінде туындайтын коммуналдық шығындарды сенімгерлік басқарушы өз есебінен қамтамасыз етеді.

Су тасымалына (болған жағдайда) жауапкершілік. Су тасымалдау көлігі болса, оның техникалық жағдайын сақтау және қауіпсіз тасымалдауды қамтамасыз ету.

Су берудің үзіліссіздігін қамтамасыз ету. Ақау болған жағдайда, тұрғындарға алдын ала хабарлау; ұзақ тоқтап қалу болмас үшін жедел жөндеу жұмыстарын ұйымдастыру.

Төтенше жағдайларға дайын болу. Су деңгейінің төмендеуі, жабдықтың істен шығуы немесе ластану қаупі анықталса, жергілікті атқарушы органға дереу хабарлау.

Құрылғылардың мақсатына сай пайдаланылуы. Скважинаны тек ауыз су алу үшін қолдану; суармалы, өндірістік немесе өзге мақсатта пайдалануға рұқсатсыз жол бермеу.

Инженерлік желілерге зиян келтірмеу. Ұңғыма маңындағы су құбырлары, электр желілері және ғимараттарға зақым келтіруі мүмкін әрекеттер жасамау.

Құрылтайшының алдын-ала жазбаша рұқсатынсыз объектіні, онда орналасқан желілер мен коммуникацияларды қайта орналастыруды немесе қайта жабдықтауды жүзеге асырмау.

Тендер өткеннен кейін аймақта тұрғылықты жері бойынша салық төлеуші ретінде тіркеуге тұру.

Шарт бойынша өз құқықтарын бермеуге, оларды шаруашылық серіктестіктердің, акционерлік қоғамдардың жарғылық капиталына салым немесе өндірістік кооперативке жарна ретінде салмау.