Жалпы:
1. Арнайы техникаларды сенімді басқару бойынша қажетті шығындарды қоспағанда таза пайданың 50 пайызын (құрылтайшының сенімгерлік басқаруынан түсетін таза кіріске пайыздық арақатынаста) Жылыой ауданының жергілікті бюджетіне аудару, қалған бөлігін сыйақы ретінде өзіне қалдыру
2. Сенімгерлік басқару мерзімі ішінде Жылыой ауданының, кент, ауылдық округтердің аумағында техниканы пайдалана отырып тазалық жұмыстарын жүргізуді қамтамасыз ету
3. Жылыой ауданына қарасты қала, ауылішілік жолдарын күтіп ұстауға, көктемгі-қыс мезгілінде жолдың тазалығын қамтамасыз етуге, қажеттілікке байланысты шараларға техникаларды қатыстыруға (шығыны сенімгерлік басқарушының есебінен жұмсалады)
4. Жылыой ауданы аумағындағы төтенше жағдай кезінде шұғыл жұмыстарды атқару
5. Жылыой ауданы аумағында және елді мекендерде туындаған рұқсатсыз (стихиялық) қоқыс үйінділерін жою жұмыстарына қатысу, сенбіліктерді өткізу барысында арнайы техникамен жәрдем көрсету
6. Техниканы күтіп-ұстау, санитариялық талаптарға сәйкестігін қамтамасыз ету, ағымдағы және күрделі жөндеулерді жүргізу, пайдалану кезінде туындаған ақауларды сенімгерлік басқарушының күшімен қалпына келтіру және қажетті қосымша бөлшектерді сенімгерлік басқарушының есебінен сатып алу
7. Мүлік ұрланған, бүлінген немесе жоғалған жағдайда келтірілген залалды 100% мөлшерде сенімгерлік басқарушының қаражаты есебінен 30 күн ішінде жергілікті бюджет кірісіне аудару арқылы зиянды өтеуді жүзеге асырады
8. Жыл сайын міндетті сақтандыру шартын жасақтау, уақытылы техникалық байқаудан өткізу, техниканың айыппұл бойынша мәліметтерді ай сайын тексеру және айыппұл болмауын қамтамасыз ету
9. Қазақстан Республикасының Салық кодексіне сәйкес салықтық міндеттемелерді толық және уақытылы орындауға, берешек пен айыппұлдарға жол бермеуге міндетті
10. Қазақстан Республикасының «Рұқсаттар және хабарламалар туралы» заңнама талаптарына сәйкес жұмыстарды орындауға қажетті рұқсаттың (немесе хабарламаның) болуын қамтамасыз етуге міндетті
11. Техникаларды орналастыратын арнайы гаражы (арнайы күзетпен қамтылған аумақ, видеобақылау, терезе, есігі қамтылған, жөндеуден өткен, құлыпталатын) болуға міндетті
12. Санитарлық және тазалық жұмыстары бойынша тиісті жұмыс тәжірбиесінің болуы
13. Көлік құралдарына техникалық қызмет көрсетуге, көлік құралдарын мерзімді күрделі және ағымдағы жөндеуге материалдық және еңбек ресурстарының болуы
14. Арнайы техникалар бойынша жауапты жұмысшылардың еңбекақысын уақытылы төлеу және қауіпсіздік қағидаларын бақылау. Ішкі шараларды (арнайы киімдермен т.б) қамтамасыз етуді жүзеге асыру
15. Жылыой ауданы аумағында заңды тұлға ретінде тіркелген болуға тиіс
16. Жылжымалы мүлікті (арнайы техникаларды) үшінші тұлғаға сатуға, жалға беруге немесе кепіл ретінде беруге тиым салынады
17. Жылыой ауданы әкімдігінің, теңгерім ұстаушының және мемлекеттік мүлік жөніндегі уәкілетті органның қызмет көрсету мәселелері бойынша қойған талаптарын орындау және техникаларды Жылыой ауданының аумағынан шығармау
18. Қала және аудандық маңызы бар жолдарды, көшелерді және тұрғын үйлермен тазалау жұмыстарын атқаратыны жөнінде мемлекеттік мекеме арасында ағымдағы келісім шарты болуы міндетті
19. Аудан әкімдігі, Аудандық маңызы бар Құлсары қаласы әкімдігі және Жылыой ауданы тұрғын үй - коммуналдық шаруашылығы және тұрғын үй инспекциясы бөлімі тарапынан Жылыой ауданына қарасты елді мекендердің санитариялық тазалығын қамтамасыз етуге қатысты ауызша не жазбаша тапсырмалар берілген жағдайда, сенімгерлікпен басқарушы аталған тапсырмаларды толық әрі уақытылы орындауға тиіс
20. Сенімді басқарушы тұлға сенімгерлік басқаруға берушіге және теңгерім ұстаушыға қабылдау-тапсыру актісі бойынша белгіленген мерзімде, қалыпты тозуын ескере отырып, оны өзі алған жағдайдағыдай етіп қайтаруға, арнайы техникаларды қайтару кезінде кемшіліктер орын алған жағдайда оны тез арада орнын толтыруға немесе шығынын өтеуге (төлеуге) міндетті
21. Жоғарыда қойылып отырған талаптар үш мәрте тиісті түрде орындалмаған жағдайда, келісім шарт бір жақты бұзылады
