жолаушыларды авиациялық тасымалдауды үздіксіз қамтамасыз ету, оның ішінде маршруттардың пайдалану дайындығын және өндірістік инфрақұрылымды сақтау;

нысанды дамытуға арналған тендерлік ұсынысқа (бизнес-жоспарға) сәйкес инвестиция енгізу: ағымдағы жөндеу жұмыстарын жүргізу, инфрақұрылымды және авиациялық техниканы жаңғырту;

қазіргі жұмыс орын санын сақтап қалу және жаңа жұмыс орындарын ашу;

нысаннның қызмет бейінін сақтау, оның ішінде Талдықорған және Үшарал әуежайлары мен әуе компаниясының қызметін сақтау және дамыту;

қаржылық есептілікке жыл сайын тәуелсіз аудит жүргізуді қамтамасыз ету және оның нәтижелерін белгіленген мерзімде құрылтайшыға ұсыну;

сенімгерлік басқару мерзімінде берілген немесе пайдаланылатын нысанның, мүліктің, құқықтардың, техникалық құжаттаманың және активтердің сақталуын қамтамасыз ету;

экономикалық негізделген маршруттық жоспар негізінде жолаушылар тасымалдарының географиясын кеңейту;

штат кестесі мен еңбек заңнамасын ескере отырып, объектіні сенімгерлік басқаруға беру күніндегі қолданыстағы деңгейден төмен емес қызметкерлердің жалақы деңгейін қамтамасыз ету;

қаржылық мүмкіндік болған жағдайда және бекітілген бюджет шеңберінде қызметкерлердің жалақысын инфляция деңгейінен төмен емес мөлшерде жыл сайын индексациялау;

қолданыстағы Заңнамада қарастырылған қызметкерлер үшін барлық әлеуметтік кепілдіктерді сақтау;

авиациялық қауіпсіздікті, пайдалануды, жерүсті қызмет көрсетуді және техникалық сүйемелдеуді қоса алғанда, персоналды қайта даярлауды және қызметкерлердің біліктілігін арттыруды қамтамасыз ету;

әуе паркін ұлттық және халықаралық стандарттарға сәйкес жаңарту және жаңғырту;

әуежайдың қауіпсіз жұмыс істеуі үшін қажетті жерүсті қызмет көрсетуді қамтамасыз ету;

тұрақты жолаушылар рейстері үшін әуе кемелерін сатып алу немесе тартуды қамтамасыз ету;

экономикалық тиімділік болған жағдайда шағын әуе кемелерін пайдалануды және дамыту;

Үшарал әуежайында жанармай құю кешенін реконструкциялау және іске қосу;

Талдықорған және Үшарал әуежайларына халықаралық мәртебе беру үшін құжаттарды, инфрақұрылымды дайындауды және уәкілетті органдармен өзара іс-қимылды қоса алғанда, жәрдемдесу;

қауіпсіздік, бейнебақылау, кіруді басқару, есепке алу, жолаушыларға қызмет көрсету және есептілік жүйелерін қоса алғанда, объектіні цифрлық жаңғыртуды қамтамасыз ету;

Мүлікті иеліктен шығаруға қатаң тыйым салуды қамтамасыз ету. Сенімгерлік басқарушыға, жаңа инвесторға және олардың үлестес тұлғаларына әуеайлақтың акцияларын, мүліктік кешенін, негізгі құралдарын және инфрақұрылымын иеліктен шығаруға, беруге, айырбастауға, кепілге қоюға, ауыртпалық салуға, жарғылық капиталға енгізуге немесе өзге де тәсілмен билік етуге бағытталған кез келген әрекеттерді жүзеге асыруға тыйым салынады. Сондай-ақ негізгі құралдардың жоғалуына, ауыртпалық салынуына немесе құнының төмендеуіне әкеп соғатын кез келген әрекеттерге жол бермеу белгіленеді;

L-410 екі әуе кемелерінің қаржы лизингі шарты бойынша сенімгерлік басқару мерзімі ішінде 2 389 330 мың теңге қарызды өтеу және «Жетісу» авиакомпаниясы» акционерлік қоғамының теңгерімінде қалдыру;

әуе кемелеріне қосалқы бөлшектер үшін 90 188,0 мың теңге мөлшерінде берешекті өтеу;

акционерлік қоғамның таза пайдасының бір бөлігін Қазақстан Республикасының Бюджет кодексінде және жалғыз акционердің шешімдерінде белгіленген мөлшерде және тәртіппен бюджетке дивидендтер (кірістер) төлеуге жіберу;

салық есептілігін уақтылы тапсыруды, есептелген сомаларды, өсімпұлдар мен айыппұлдарды төлеуді, сондай-ақ мерзімі өткен берешектің пайда болуына жол бермеуді қоса алғанда, салық міндеттемелерін, кедендік төлемдер, әлеуметтік төлемдер және бюджетке төленетін өзге де міндетті төлемдер бойынша міндеттемелерді уақтылы орындау

заңды тұлға басшысының азаматтық авиация саласындағы кемінде 5 (бес) жыл еңбек өтілінің бар екенін растайтын құжатты ұсыну.