Жалпы:
Жылумен жабдықтау жүйесіне қосылған тұтынушылардың санитариялық және технологиялық нормалар талаптарына сәйкес келетін жылу энергиясымен (жылутасымалдағышты өндіру және құбыр жүйесі арқылы жеткізу) қамтамасыз ету жұмыстарын ұйымдастыру мақсатында КСВр-2,50 ПА қазандығы сенімгерлік басқаруға беріледі.
КСВр-2,50 ПА қазандығы кейіннен сатып алу құқығынсыз, нысаналы мақсатын өзгерту құқығынсыз, үш (3) жыл мерзімге сенімгерлік басқаруға беріледі.
Мамандандырылған ұйым орындаған объектілер мен қазандықтың жылумен жабдықтау жүйелерінің энергия тұтыну есептеулері негізінде табиғи монополияларды реттеу жөніндегі уәкілетті органда тариф пен тарифтік сметаны бекіту бойынша жұмыстарды жүргізу.
Тарифтік сметаны жасау кезінде жылыту маусымы кезеңінде жабдықтар мен қазандықты ағымдағы жөндеуге жұмсалатын шығыстарды, сондай-ақ таза табыс мөлшерін көздеу.
Экология саласындағы заңнама талаптарына сәйкес қажетті салықтық төлемдерді жүзеге асыру (отынды жағу кезінде жол берілетін шекті шығарындылар, отынды сақтау және отын жағу өнімдерін сақтау бойынша төлемдер).
Экологиялық талаптарға сәйкес барлық қажетті төлемдерді жүзеге асыру.
Өндірістік инфрақұрылым объектілерін пайдалану тәртібі мен шарттарының, сондай-ақ технологиялық циклдің қолданыстағы тәртібін сақтауды қамтамасыз ету.
Сумен жабдықтау және электрмен жабдықтау жүйелерінің тиісті пайдаланылуын қамтамасыз ету.
Шөміш көлемі кемінде 1,2 м³ болатын фронталды тиегішпен қамтамасыз ету.
Тиісті құжаттаманы жүргізе отырып, өрт қауіпсіздігі, санитариялық және экологиялық іс-шараларды қамтамасыз ету бойынша қажетті шараларды қабылдау.
