1. Кейіннен сатып алу құқығынсыз сенімгерлік басқаруға берілген контейнерлерге жөндеу жұмыстарын жүргізу. Жылына бір рет оларды жасыл түске бояу. 2. Жыл сайын 15 сәуірден 15 қазанға дейін контейнерлерге дезинфекциялық өңдеу жүргізіп, оларды сумен жуу. 3. Жыл сайын 16 қазаннан 14 сәуірге дейін контейнерлерге тоқсан сайын дезинфекциялық өңдеу жүргізіп, оларды сумен жуу. 4. Берілген контейнер алаңшаларын уақтылы жөндеуді қамтамасыз ету. 5. Құрылтайшының келісімінсіз контейнер алаңшаларының орналасқан жерін өзгертуге жол берілмейді. 6. Контейнерлер мен контейнер алаңшалары қоршауларының бүлінулерін уақтылы жою. 7. Арнайы техникаға техникалық қарап-тексеру, техникалық қызмет көрсету, ағымдағы және күрделі жөндеу жұмыстарын жүргізу. 8. Сенімгерлік басқарушы арнайы техниканың азаматтық-құқықтық жауапкершілігін міндетті сақтандыруды қамтамасыз етуге және тиісті төлемдерді жүзеге асыруға міндетті. 9. Сенімгерлік басқарушы арнайы техника жүргізушілерімен толық материалдық жауапкершілік туралы шарт жасасуға міндетті. 10. Арнайы техника жүргізушісінің жұмыс өтілі кемінде 2 жыл болуы тиіс. 11. Сенімгерлік басқарушы мемлекеттік мүліктің (контейнерлердің, контейнер алаңшаларының және арнайы техниканың) бүлінуі немесе жоғалуы жағдайында толық материалдық жауапкершілік көтереді. 12. Мемлекеттік мүліктің бүлінуі немесе жоғалуы фактісі анықталған жағдайда, Құрылтайшыны дереу хабардар етуді және аталған факт анықталған сәттен бастап 12 сағаттан кешіктірмей Бөрлі аудандық полиция бөліміне өтініш беруді қамтамасыз ету. 13. GPS жүйесін орнатып, автокөліктердің қозғалысын бақылау мақсатында «Ақсай қаласы әкімінің аппараты» мемлекеттік мекемесіне қолжетімділік беру. 14. Заңды және жеке тұлғалар Қазақстан Республикасының резиденттері болып табылуға және Қазақстан Республикасының заңнамасында белгіленген тәртіппен уәкілетті мемлекеттік органдарда тіркелуге тиіс. 15. Меншік құқығында немесе өзге де заңды негіздерде кемінде 11 бірлік арнайы техникаға ие болу, оның ішінде: кемінде 7 қоқыс таситын көлік, кемінде 1 манипулятор қондырғысы бар борттық автомобиль және кемінде 3 самосвал автокөлігі болуы тиіс. 16. Үздіксіз қызметті қамтамасыз ету үшін жеткілікті еңбек ресурстарына ие болу. 17. Ақсай қаласының тұрғындарына қатты тұрмыстық қалдықтарды шығару қызметін көрсету үшін кемінде 12 тұрақты жұмыс орнын құру. 18. Берілетін мүлікті Ақсай қаласының тұрғындарынан қатты тұрмыстық қалдықтарды шығару қызметін көрсету мақсатында тек нысаналы мақсаты бойынша пайдалану. 19. Берілген мемлекеттік мүлікке қызмет көрсету үшін Бөрлі ауданы аумағында орналасқан өндірістік базаға меншік құқығында ие болу. 20. «Мүлікті кейіннен сатып алу құқығынсыз сенімгерлік басқаруға беру туралы шарт» заңнамада белгіленген тәртіппен тіркелген күннен бастап үш ай ішінде қолма-қол ақшасыз есеп айырысу жүйесін енгізу. 21. «Мемлекеттік мүлікті сенімгерлік басқаруға беру туралы шарт» заңнамада белгіленген тәртіппен тіркелген күннен бастап үш ай ішінде Ақсай қаласының әрбір абонентімен қатты тұрмыстық қалдықтарды шығару қызметін көрсету туралы шарт жасасу. 22. Құрылтайшыға ағымдағы жартыжылдық пен жылдың қорытындылары бойынша қаржылық-шаруашылық қызмет нәтижелері туралы есеп ұсыну. 23. Ақсай қаласы аумағында түзілетін қалдықтарды қабылдау және орналастыру үшін қатты тұрмыстық қалдықтар полигонымен қолданыстағы шартқа ие болу.