Бағаны көтеру аукционын (мемлекеттік материалдық резерв) өткізу қағидалары:
1) егер аукцион басталғаннан кейін жиырма минут ішінде аукцион залында қатысушы мемлекеттік материалдық резервтен материалдық құндылықтарды босату қағидаларына сәйкес белгіленген қадамға бастапқы бағаны көтеру арқылы сату нысанасын сатып алу ниетін растамаса, Қазақстан Республикасы Үкіметінің 2014 жылғы 17 қазандағы № 1108 қаулысымен бекітілген (бұдан әрі – Қағидалар), онда осы сату нысанасы бойынша аукцион өткізілмеген болып танылады;
2) егер аукцион басталғаннан кейін жиырма минут ішінде аукцион залында қатысушылардың бірі Қағидаларға сәйкес белгіленген қадамға бастапқы бағаны көтеру арқылы сату нысанасын сатып алу ниетін растаса, онда бастапқы баға белгіленген қадамға көтеріледі;
3) егер бастапқы немесе ағымдағы баға көтерілгеннен кейін жиырма минут ішінде қатысушылардың ешқайсысы ағымдағы бағаны көтеру арқылы сату нысанасын сатып алу ниетін растамаса, онда соңғы болып сату нысанасын сатып алу ниетін растаған қатысушы жеңімпаз деп танылады және осы сату нысанасы бойынша аукцион өткізілген болып есептеледі.
Сату нысанасы бойынша бағаны көтеру аукционы қатысушылардың бірі ең жоғары баға ұсынғанға дейін жалғасады.
Егер бағаны көтеру аукционы аяқталған сәтте, сағат 17:00-де, аукцион жеңімпазы анықталмаса, онда соңғы болып сату нысанасын сатып алу ниетін растаған қатысушы жеңімпаз деп танылады және осы сату нысанасы бойынша аукцион өткізілген болып есептеледі.
Егер бағаны төмендету аукционы аяқталған сәтте, сағат 17:00-де, аукцион жеңімпазы анықталмаса, онда осы сату нысанасы бойынша аукцион өткізілмеген болып есептеледі.
Әрбір сатылған сату нысанасы бойынша аукцион нәтижелері сауда нәтижелері туралы хаттамамен ресімделеді, ол аукцион өткізілген күні веб-порталда сатушы мен жеңімпаздың ЭЦҚ қолдануымен қол қойылады.
Сауда нәтижелері туралы хаттама – аукцион нәтижелерін және жеңімпаз бен сатушының сату бағасы бойынша сатып алу-сату шартын жасасу міндеттемелерін бекітетін құжат болып табылады.
Сатып алу-сату шарты веб-порталда электрондық форматта жасалады және сатушы мен жеңімпаз тарапынан сауда нәтижелері туралы хаттамаға қол қойылған күннен бастап он күнтізбелік күннен кешіктірілмей ЭЦҚ қолдану арқылы қол қойылады. Шартта сатып алу-сату шартын жасасу негізі ретінде сауда нәтижелері туралы хаттамаға сілтеме көрсетіледі.
