Жалпы:
1) Полигонның қалдықтарды орналастыру және көму үшін үздіксіз жұмысын қамтамасыз ету.
2) Барлық қажетті рұқсат құжаттарын мемлекеттік органдардан алу.
3) №62 бұйрыққа сәйкес өндірістік бақылау бағдарламасын әзірлеу және орындау.
4) 2026–2029 жылдарға бизнес-жоспар ұсыну. Онда мына кезеңдік іс-шаралар болуы керек: 2026–2027 ж – полигонды қоршау, 2027–2028 ж – полигонға бейнебақылау орнату және тұрғындармен шарт жасасу, 2028–2029 ж – қайта өңдеу жабдығын сатып алу.
5) Кірме жолдарды жыл бойы күтіп ұстау (қар тазалау, жазда грейдерлеу).
6) Арнайы техниканы меншікте немесе жалдауда ұстау.
7) Байқоныс ауылының тұратын жері бойынша салық төлеуші ретінде есепке тұру.
8) Нысанды тиісті түрде күтіп ұстау және теңгерім ұстаушымен келісе отырып, ағымдағы және күрделі жөндеуді өз есебінен жүргізу.
9) Көлік кедергісіз кіруі үшін абаттандыру жұмыстарын жасау, қоршауды жөндеу, айналаны таза ұстау.
10) Қоқыстың өздігінен жануына немесе өртелуіне жол бермеу.
11) Сенбілік кезінде жергілікті атқарушы орган белгілеген арнайы техниканың кедергісіз өтуін қамтамасыз ету.
12) Жұмыстарды санитариялық, экологиялық және өртке қарсы заңнамаға сәйкес жүргізу.
13) Полигон аумағына бөгде адамдардың кіруіне және болуына жол бермеу.
14) Әр тоқсанның қорытындысы бойынша есепті келесі айдың 10-на дейін тапсыру.
15) Полигонға төгілген қатты тұрмыстық қалдықтардың және оларды тасымалдаған көліктердің есебін жүргізу.
16) Полигонда қалдықтарды реттеу үшін тұрақты негізде 1 қызметкердің болуын қамтамасыз ету.
17) Қоқыс шығару қызметіне ақы төлеуді автоматтандыру.
18) Белгіленген орыннан тыс қалдық тастаған адамдар анықталса, дәлелдемелермен бірге тиісті органдарға хабарлау.
19) Септик қалдықтарын (кәріз сулары мен фекалийлерді) және өлекселерді қатты тұрмыстық қалдықтар полигонына тастауға тыйым салынады. Олар арнайы орындарға (тазарту нысандарына, мал көмінділерге немесе биотермиялық шұңқырларға) жіберілуі тиіс.
