Ұлытау облысы мәслихатының 2024 жылғы 10 мамырдағы № 127 шешімімен бекітілген Ұлытау облысында жерлеу және қабірлерді күтіп-ұстау ісін ұйымдастыру қағидаларына, сондай-ақ Қазақстан Республикасының өзге де қолданыстағы нормативтік құқықтық актілеріне сәйкес православие зират қорымының нысаналы мақсаты бойынша күтіп-ұсталуын, қызмет көрсетілуін және пайдаланылуын қамтамасыз ету;

Православие зират қорымының жай-күйін жақсартуға бағытталған, жыл сайын кемінде 1 000 000 (бір миллион) теңге көлемінде инвестициялардың салынуын қамтамасыз ету (объектіге салынатын инвестициялардың көлемі, түрлері және іске асыру мерзімдері көрсетілген инвестициялық ұсынысты ұсыну);

Ұлытау облысы мәслихатының 2024 жылғы 10 мамырдағы № 127 шешімімен бекітілген Ұлытау облысында жерлеудің және зираттарды күтіп-ұстау ісін ұйымдастырудың қағидаларына сәйкес жерлеу тәртібінің және қабірлерді күтіп-ұстауды ұйымдастыру талаптарының сақталуын қамтамасыз ету;

Қазақстан Республикасы Денсаулық сақтау министрінің 2021 жылғы 19 тамыздағы № ҚР ДСМ-81 бұйрығымен бекітілген Зираттарға және жерлеу мақсатындағы объектілерге қойылатын санитариялық-эпидемиологиялық талаптарын, сондай-ақ халықтың санитариялық-эпидемиологиялық саламаттылығы, қоршаған ортаны қорғау, еңбек қауіпсіздігі және еңбекті қорғау, өрт қауіпсіздігі салаларындағы Қазақстан Республикасы заңнамасының талаптарының православие зират қорымын күтіп-ұстау және пайдалану кезінде сақталуын қамтамасыз ету;

Рәсімдік қызметтер мен жерлеуге байланысты өзге де қызметтердің құнының негізсіз өсуіне, сондай-ақ олардың бағасының тиісті кезеңде өңірде қалыптасқан ұқсас қызметтердің орташа нарықтық бағасынан жоғары белгіленуіне жол бермеу;

Зиратты күтіп-ұстау жөніндегі жұмыстарды ұйымдастыруға бақылауды қамтамасыз ету, оның ішінде жалпы пайдаланымдағы жолақтарды және шаруашылық мақсаттағы учаскелерді жүйелі түрде тазалауды, зираттың бүкіл аумағындағы жасыл желектерді күтуді, қоршауға ағымдағы жөндеу жүргізуді, сондай-ақ қоқысты уақтылы шығаруды қамтамасыз ету.

Зират әкімшілігін міндетті түрде хабардар еткен жағдайда жерлеуді ұйымдастыру үшін жерлеу қызметтерін көрсететін барлық субъектілерге, сондай-ақ қайтыс болған адамның туыстарына тең қолжетімділікті қамтамасыз ету;

Сенімгерлік басқару кезеңінде 1-ден 3-ке дейін жаңа жұмыс орнын құруды қамтамасыз ету;

Сенімгерлік басқару мерзімі – 5 жыл.