1. Мүгедектігі бар адамдарға әлеуметтік қолдау көрсететін қоғамдық қорлар немесе қоғамдық бірлестіктер үшін объектіні пайдалану

2. Қайырымдылық және гуманитарлық іс-шараларды ұйымдастыру, жетім балаларға, мүгедектігі бар адамдарға және халықтың әлеуметтік аз қамтылған топтарына көмек көрсету

3. Әлеуметтік маңызы бар жобаларды жүзеге асыру

4. Орынжайға кафе, мейрамхана, ойын автоматтарын, алкомаркет (арақ өнімдерін сатуға) және букмекерлік кеңселерді ашуға рұқсат етілмейді

5. Сенімгерлік басқарушы Объектіні мүгедектігі бар адамдарға арналған тауарларды өндіруге байланысты қызметті жүзеге асыру мақсатында пайдалануға міндетті

6. Сенімгерлік басқарушы сенімгерлік басқару шарты жасалған күннен бастап 3 (үш) ай ішінде кемінде 5 (бес) жұмыс орнын мүгедектігі бар адамдар үшін құруға және оларды Қазақстан Республикасының еңбек заңнамасының талаптарына сәйкес жұмысқа орналастыруды қамтамасыз етуге міндетті

7. Сенімгерлік басқарушыға Объектіні немесе оның бір бөлігін жалға (қосалқы жалға) беруге тыйым салынады. Объектіні өтеусіз пайдалануға беру әлеуметтік қорғау, оңалту, әлеуметтік бейімдеу, жұмысқа орналастыру және мүгедектігі бар адамдарға қызмет көрсету саласында қызметін жүзеге асыратын қоғамдық қорлар мен қоғамдық бірлестіктерге ғана Құрылтайшының алдын ала жазбаша келісімімен жол беріледі

8. Сенімгерлік басқарушы сенімгерлік басқарушыны айқындау кезінде ұсынылған конкурстық ұсыныста және бизнес-жоспарда көзделген әлеуметтік нәтижелерге қол жеткізуді қамтамасыз етуге міндетті

9. Объектіні пайдаланудан алынған таза табыс міндетті төлемдер орындалғаннан және құжатпен расталған шығыстар өтелгеннен кейін тек ұйымның жарғылық мақсаттарына қол жеткізуге, оның ішінде мүгедектігі бар адамдарға арналған тауарларды өндіруге, мүгедектігі бар адамдар үшін жұмыс орындарын құруға және сақтауға, жабдықтар сатып алуға, материалдық-техникалық базаны дамытуға, әлеуметтік қолдау көрсетуге және мүгедектігі бар адамдар үшін жағдайларды жақсартуға бағытталуға тиіс

10. Сенімгерлік басқарушының жұмыс регламенті сағат 08:00 ден 22:00-ге дейін болуы тиіс

11. Сенімгерлік басқару шартына қол қойған күннен кейін 1 ай ішінде объектіге залал келтірмей жөндеу жұмыстарын бастап, 4 айда аяқтау

12. Жөндеу жұмыстарын жүргізу кезінде қоқыс қалдықтарын тұрмыстық қалдықтарды қабылдайтын арнайы органға тапсыру, сондай-ақ объект аумағында абаттандыруға залал келтірмеу және сенімгерлік басқарушы тарапынан көгалдандыру жұмыстарын жүргізу

13. Құрылтайшыға, баланс ұстаушыға және Объектінің коммуналдық желісіне коммуналдық қызметті көрсететін мекемелерге, оның ішінде пәтер иелері кооперативтеріне тәулік бойы қолжетімділікті қамтамасыз ету және коммуналдық желілері тұрған орынды тегін бөліп беру

14. Берілген орынжайды Қазақстан Республикасының «Өрт қауіпсіздігі туралы» ережелерінің тиісті нормаларына сәйкес, алғашқы өрт сөндіру құрал-жабдықтармен қамтамасыз етуге, өрт сөндіру құралдарын тексеруге, өрт қауіпсіздігі нормаларын сақтауға, олар бұзылған жағдайда, анықталған кемшіліктерді жою

15. Қазақстан Республикасының қолданыстағы заңнамаларына сәйкес, санитарлық және басқа да нормаларды сақтау

16. Өз күштерімен электр энергиясын өткізу және коммуналдық қызметтерді төлеуге коммуналдық қызметтер жабдықтаушылармен шарт жасасу

17. Объектіні күтіп-ұстауға байланысты барлық коммуналдық шығындарын (жылу, электр энергиясы, газ, су, кәріз және тағы басқада объектінің үздіксіз қызмет етуіне байланысты төлемдер) әр айдың 25-інен кешіктірмей төлеу

18. Объектіде және іргелес аумақта тәртіп пен тазалықты сақтау

19. Объектіні сенімгерлік басқару мерзімінде жарамды халде сақтау, жөндеу жұмыстарын жүргізу және оны күтіп ұстау бойынша шығындарын көтеру

20. Объектіде Қазақстан Республикасының заңнамасында тыйым салынған насихаттық қызметтің жарнамасына жол бермеу

21. Цокольдық қабаттағы орынжайдың ішкі және сыртқы келбетін бояу түсіне және монтаждық жұмыстарын бастар алдында міндетті түрде Атырау қаласының жер қатынастары, сәулет және қалақұрылысы бөлімі келісім алу

22. Құрылтайшыға жыл сайын келесі есепті айдың кезеңінен кейін сәуірдің 15 жұлдызынан кешіктірмей өз қызметі туралы есеп беруге

23. "Мемлекеттік мүлікті басқару жөніндегі функцияларды орындауға қатысатын жеке және заңды тұлғалардың мемлекеттік меншікпен байланысты мүліктік сипаттағы барлық мәмілелер және қаржылық қызмет туралы есептер беруінің қағидалары мен мерзімдерін бекіту туралы" Қазақстан Республикасы Премьер-Министрінің орынбасары-Қаржы министрінің 2023 жылғы 31 шілдедегі №816 бұйрығымен айқындалған тәртіппен берілетін мемлекеттік меншікке байланысты мүліктік сипаттағы барлық мәмілелер және қаржылық қызмет туралы осы Шартқа сәйкес сенімгерлік басқарушыға берілген мүлік бойынша есеп беру

24. Объектіні Құрылтайшыға Шарттың күші жойылған кезде (шарттың мерзімі аяқталғанда, Шартты мерзімінен бұрын бұзғанда) он жұмыс күні ішінде беруге

25. Сенімгерлік басқарудан түскен таза кірісті (сыйақыны алып тастағанда) жергілікті бюджетке аударуды қамтамасыз ету

26. Сенімгерлік басқарушы Объектінің әлеуметтік мақсатына сәйкес тұрақты жұмыс істеуін қамтамасыз етуге және үй-жайды формалды пайдалануға жол бермеуге міндетті

27. Шартта, конкурстық ұсыныста не бизнес-жоспарда көзделген әлеуметтік міндеттемелердің орындалмауы шарт талаптарының елеулі бұзылуы болып танылады

28. Сенімгерлік басқарушы объектіні іс жүзінде иеліктен шығаруға әкеп соғатын кез келген заңды және іс жүзіндегі әрекеттерді жасамауға, сонымен қатар кепілдікке бермеуге, үшінші тұлғалардың құқықтарымен ауыртпалық салмауға және шарттың қолданылу мерзімі ішінде үшінші тұлғаларға сатуға қоймау

29. Сенімгерлік басқарушының мүлікті сенімгерлік басқару кезінде жүргізген қажетті шығыстарын өтеу, сеніп берілген мүлікті пайдаланудан түскен кірістер есебінен жүзеге асырылады

30. Қалыптасқан жазатайым оқиға және жанжалды жағдай кезінде жауапкершілік Сенімгерлік басқарушыға жүктеледі, сондай-ақ сенімгерлік басқарушы сенімгерлік басқаруға берілген мүлікті басқару жөніндегі 3 (үшінші) тұлғаның талаптары үшін жауап береді

31. Шарт бойынша міндеттемелер толық орындалмаған жағдайда құрылтайшы фактіні анықтағаннан кейін 3 жұмыс күні ішінде анықталған орындамауларды жоюға жазбаша хабарлайды. Сенімгерлік басқарушы хабарламаны алғаннан кейін күнтізбелік 25 күн ішінде көрсетілген кемшіліктерді толық не ішінара (одан әрі толық орындау міндеттемесімен) орындауға тиіс. Осы тармақ сақталмаған кезде және осы пункттің міндеттемелерін орындауға көрсетілген күндер саны өткеннен кейін құрылтайшының сенімгерлік басқару шартын бұзуға сотқа беруге құқығы бар