Жалпы:
1) Объектіні кейіннен сатып алу құқығынсыз 10 (он) жыл мерзімге сенімгерлік басқаруға беру.
2) Сенімгерлік басқару объектісінің қызмет бағытын сақтау – теннис бойынша жаттығу және жарыс процестерін ұйымдастыруды қамтамасыз ету.
3) Объектіні ұстауға байланысты барлық коммуналдық қызметтер бойынша шығыстарды өз қаражаты есебінен өтеу.
4) Объектіні мынадай мақсаттарда пайдалану: • теннисшілерді тегін негізде даярлау; • жыл сайын кемінде 34–35 спортшыны «Жасыл доп» деңгейінен төмен емес деңгейде әрі қарай шеберлігін жетілдіру үшін «Теннис бойынша облыстық мамандандырылған балалар-жасөспірімдер спорт мектебі» КММ-не жіберу; • оқу-жаттығу процестерін, оқу-жаттығу жиындарын, сондай-ақ халықаралық деңгейде (жылына кемінде 1 жарыс), республикалық деңгейде (жылына кемінде 2 жарыс) және облыстық деңгейде (жылына кемінде 5 жарыс) жыл сайынғы спорттық іс-шараларды өткізу.
5) Оқу-жаттығу процесіне тұрақты негізде кемінде 2 жоғары білікті шақырылған жаттықтырушыны тарту.
6) Объектінің сәулеттік келбетін сақтау (қасбеттерге, конструкцияларға, жарнамалық элементтерге, аумақты абаттандыруға қатысты кез келген өзгерістер және күрделі жөндеу жұмыстары жергілікті атқарушы органмен міндетті түрде алдын ала келісуге жатады).
7) Коммерциялық қызметке шектеу белгілеу (орталық аумағында рұқсат етілмеген сауда объектілерін, оның ішінде дүңгіршектерді, киоскілерді және өзге де уақытша сауда орындарын орналастыруға тыйым салынады).
8) Объектіге күрделі жөндеу жұмыстарын жүргізу және оны тиісті жағдайда ұстау.
9) Орталықтың тиісті деңгейде пайдаланылуын қамтамасыз ету, оны техникалық жарамды күйде ұстау, сондай-ақ ғимараттарды, құрылыстарды, инженерлік желілер мен жабдықтарды пайдалануға және күтіп-ұстауға байланысты барлық шығыстарды өз қаражаты есебінен жүзеге асыру.
10) 2027 жылғы 31 желтоқсанға дейін теннис кортының жабынын толық ауыстыра отырып, толық жаңғырту (реновация) жұмыстарын жүргізу.
11) Күрделі жөндеудің әрбір кезеңі аяқталғаннан кейін Сенімгерлік басқарушы Тапсырыс берушіге орындалған жұмыстар актілерін және орындалған жұмыстардың көлемін, сапасын және құнын растайтын өзге де құжаттарды ұсынады.
12) Мәдени-бұқаралық іс-шараларды өткізу (орталық аумағында өткізілетін барлық мәдени-бұқаралық және өзге де іс-шаралар жергілікті атқарушы органмен міндетті түрде алдын ала келісуге жатады).
13) Әрбір күнтізбелік жыл ішінде Тапсырыс берушіге теннис орталығының ғимаратын спорттық, мәдени-бұқаралық және имидждік іс-шараларды өткізу үшін тиісті күнтізбелік жыл ішінде жалпы ұзақтығы 30 (отыз) күнтізбелік күннен аспайтын мерзімге өтеусіз пайдалануға беру.
14) Мемлекеттік мүлікті сенімгерлік басқару жөніндегі қызмет туралы жазбаша есепті салалық басқару органына («Ақтөбе облысының дене шынықтыру, спорт және туризм басқармасы» ММ) әр жарты жыл сайын, есепті кезеңнен кейінгі айдың 10-ына дейін ұсыну.
15) Сенімгерлік басқару шарты тіркелгеннен кейін күнтізбелік 30 (отыз) күн ішінде мүлікті сенімгерлік басқару мерзіміне сақтандыруды жүзеге асырып, растайтын құжаттарды құрылтайшыға ұсыну.
16) Терроризмге қарсы қорғаныс жөніндегі іс-шараларды қамтамасыз ету (күзет, бейнебақылау).
17) Жыл сайын экологиялық және санитариялық нормалар мен талаптарға сәйкес табиғатты қорғау іс-шараларын жүргізу (аумақты абаттандыру, көгалдандыру және т.б.).
18) Үй-жайды Қазақстан Республикасының өрт қауіпсіздігі қағидаларына сәйкес пайдалану, бастапқы өрт сөндіру құралдарымен қамтамасыз ету, олардың жарамдылығын тұрақты тексеру, өрт қауіпсіздігі талаптарын сақтау және өрт туындаған жағдайда оның салдарын жою жөнінде қажетті шаралар қабылдау.
19) Мүлікті сенімгерлік басқаруды жүзеге асыру барысында Сенімгерлік басқарушы қажетті шығыстардың өтемі Сенімгерлік басқарушының өз қаражаты есебінен жүзеге асырылады.
20) Сенімгерлік басқару мерзімі аяқталғаннан кейін мүлікті теңгерім ұстаушыға жарамды күйде қайтарылуға тиіс.
