Жалпы:
1) Объект кейіннен сатып алу құқығынсыз 5 (бес) жыл мерзімге сенімгерлік басқаруға беріледі;
2) Кейіннен сатып алу құқығынсыз сенімгерлік басқару кезеңінде объектінің негізгі функционалдық мақсатын – санитариялық-гигиеналық торапқа қызмет көрсетуді міндетті түрде сақтау;
3) Объектінің санитариялық-гигиеналық нормаларға, заңнамалық және технологиялық талаптарға сәйкес күтіп-ұсталуын қамтамасыз ету;
4) Объектіні күтіп-ұстау бойынша және бекітіліп берілген аумақта санитариялық-эпидемиологиялық, дезинфекциялық, дератизациялық және өртке қарсы профилактикалық іс-шараларды толық көлемде жүзеге асыру;
5) Объектіні тиісті жағдайда ұстау, оның конструкцияларына, инженерлік, электрлік және телекоммуникациялық желілеріне зақым келтіруге немесе бұзуға әкеп соғуы мүмкін кез келген іс-әрекеттерге жол бермеу және олардың алдын алу, өз қаражаты есебінен ағымдағы жөндеу жұмыстарын жүргізу және туындаған ақаулар мен кемшіліктерді қысқа мерзімде жою, қажетті құрылыс материалдары мен жабдықтарды сатып алу, ылғалды жинауды тұрақты түрде жүргізу;
6) Кейіннен сатып алу құқығынсыз сенімгерлік басқару кезеңінде барлық коммуналдық қызметтерді, объектіні күзетуге байланысты шығындарын, салықтық және өзге де міндетті төлемдерді уақтылы төлеу;
7) Сенімгерлік басқару мерзімі ішінде меншік иесінің ауысуына әкеп соғатын әрекеттер жасауға және шарттар жасасуға, оның ішінде объектіні қосалқы жалға (арендаға) беруге, ипотекаға кепілге қоюға немесе үшінші тұлғалардың басқаруына беруге қатаң тыйым салынады;
8) Шарт талаптарын тиісінше орындамаған жағдайда Құрылтайшыға келтірілген залалдарды өтеу;
9) Құрылтайшыға объектіні сенімгерлік басқару бойынша мемлекеттік мүлікті сенімгерлік басқару жөніндегі қызмет туралы есептілікті жазбаша түрде жыл сайын есепті кезеңнен кейінгі айдың 10-күнінен кешіктірмей ұсыну;
10) Сенімгерлік басқарушының мүлікті сенімгерлік басқару кезінде жұмсаған қажетті шығыстарын өтеу сенімгерлік басқарушының қаражаты есебінен жүзеге асырылады;
11) Сенімгерлік басқару мерзімі аяқталғаннан кейін мүлікті баланс ұстаушыға тиісті жағдайда қайтару.
