1) Объектінің ақаусыз техникалық жай-күйін, объектінің үздіксіз жұмысын және оны пайдалану кезіндегі қауіпсіздігін 15 жыл мерзімге қамтамасыз ету үшін объектіні кейіннен сатып алу құқығынсыз сенімгерлік басқаруға береді

2) Тендерге қатысушылардың білікті персоналы, берілетін объектіге техникалық қызмет көрсету үшін қажетті жабдықтары мен техникасы болуы тиіс. Тендерге қатысушылардың Капитоновка ауылының аумағында тәулік бойы қол жетімді және өрт туындаған кезде шығу мүмкіндігі бар өрт сөндіру машинасын (өткізілген инженерлік желілері бар жылытылатын бокс) орналастыру үшін толық бейімделген үй-жайы болуға тиіс.

3) Тендерге қатысушылар тендерде жеңіске жеткен және сенімгерлік басқару шартын жасасқан жағдайда объектіні кепілге бермеуге, үшінші тұлғалардың құқықтарына ауыртпалық түсірмеуге және Сенімгерлік басқару құрылтайшысының келісімінсіз шарттың қолданылу мерзімі ішінде үшінші тұлғаларға сатуға ұсынбауға міндеттенеді.

4) Тендерге қатысушылар тендерде жеңіске жеткен және сенімгерлік басқару шартын жасасқан жағдайда Сенімгерлік коммуналдық мүлік (активтер) үшін, сондай-ақ Объектіні басқару кезінде құрылтайшының мүдделеріне келтірілген кез келген зиян немесе залал үшін толық материалдық жауаптылықта болады.

5) Сенімгерлік басқаруға берілетін мүлік мемлекеттік мекеменің балансында бекітіліп берілуіне және кейіннен сатып алу құқығынсыз берілуіне байланысты, тендерде жеңіске жеткен және сенімгерлік басқару шартын жасасқан жағдайда тендерге қатысушылар көлік салығы бойынша салық міндеттемелерін орындауға жатпайды.

6) Сенімгерлік басқаруға берілетін мүлік мемлекеттік мекеменің балансында бекітіліп берілуіне және кейіннен сатып алу құқығынсыз берілуіне байланысты мүлікті күрделі жөндеу, реконструкциялау, жаңғырту жөніндегі міндеттемелер немесе берілетін негізгі құралдарды пайдалану жүзеге асырылуы қажет немесе онсыз мүмкін болмайтын өзге де күрделі шығыстар мүліктің меншік иесінің орындауына жатады.