Республикалық мемлекеттік мәдениет ұйымдарының мүлкін мүліктік жалдауға (жалға) беру бойынша тендерді өткізу қағидалары:

1. Тендер өткізу туралы хабарландыру тізілімнің веб-порталында тендер өткізілетін күнге дейін кемінде он бес күнтізбелік күн бұрын қазақ және орыс тілдерінде орналастырылады.

2. Тендерге қатысушыларды тізілімнің веб-порталында тіркеу тендер өткізу туралы хабарландыру жарияланған күннен бастап жүргізіледі және тендер басталуына бес минут қалғанда аяқталады, осы уақыттан кейін қатысушылар берген өтінімді кері қайтарып ала алмайды.

3. Кепілдік жарна нанимателдің қызмет түрі мен ұйымдық-құқықтық нысанын ескеретін коэффициенттерсіз есептелген объект үшін айлық жалдау ақысына тең.

4. Тендерге қатысуға арналған өтінімдерді ашу тізілімнің веб-порталы арқылы тендер өткізу туралы хабарландыруда көрсетілген күн мен уақыт келген кезде автоматты түрде жүргізіледі.

Егер тендер басталған сәтте тіркелген өтінімдер болмаса, тендер өтпеді деп жарияланады.

5. Тендер өткізу кезінде жалғыз қатысушы немесе ең жоғары жалдау ақысының сомасын ұсынған әрі тендердің барлық шарттарына сәйкес келетін қатысушы жеңімпаз деп танылады.

Қатысушылардың баға ұсыныстарын тізілімнің веб-порталы автоматты түрде салыстырады.

Қатысушылар ұсынған жалдау ақысының сомалары бірдей болған жағдайда, тендерге қатысуға арналған өтінімді бұрын тіркеген қатысушы жеңімпаз деп танылады.

6. Тендер қорытындылары туралы хаттаманы тізілімнің веб-порталы автоматты түрде қалыптастырады.

7. Шарт тізілімнің веб-порталында электрондық форматта жасалады және оған жалға беруші мен жалға алушы тендер өткізілген күннен бастап бес жұмыс күні ішінде ЭЦҚ арқылы қол қояды.

Жеңімпаз шартқа қол қоймаған жағдайда, шарт жалдау ақысының екінші ең жоғары сомасын ұсынған қатысушымен жасалады.