Мемлекеттік заңды тұлғалардың теңгеріміндегі мүлікті бекіту және беру кезіндегі сауда-саттықтарды өткізу ережелері:

1. Қазақстан Республикасы Қаржы министрінің 2015 жылғы 30 наурыздағы № 227 бұйрығымен бекітілген Мүлікті тәркілеу бөлігінде қылмыстық іс бойынша сот үкімі негізінде не мүлікті мемлекетке беру туралы шешім негізінде тыйым салынған мүлікті өткізу немесе пайдалану қағидаларының 7 тармағына сәйкес Мемлекеттік кәсіпорын, оның ішінде әлеуметтік қызметтері субъектілеріне (медициналық-әлеуметтік мекемелері, уақытша мекендеу, мектепке дейінгі және орта білім беру, ата-аналардың қамқорысыз қалған балалар және жетім-балалары үшін білім беру ұйымдарына) немесе мемлекеттік мекеме түрінде тіркелген заңды тұлғаларынан тізілімнің веб-порталында хабарлама жарияланған күнінен бастап күнтізбелік он бес күн ішінде Тізілім веб-порталында мүлікті беру жөніндегі өтінімдері қабылданады.

Өтінімде тиісті саланың уәкілетті ұйымының (органының) басшысымен (жергілікті атқарушы ұйымының (органның)немесе оның міндетін атқарушы тұлғаның қолы қойылған мүлікті өткізу қажеттілігі туралы (жергілікті атқарушы ұйымының (органның) тиісті саладағы уәкілетті ұйымы (органы) қорытындысының электронды (сканерленген) көшірмесіне қоса мүліктің аталуы, қажетті саны, сондай-ақ, мүлікті өткізу негіздемесі көрсетіледі.

2. Мүлікті өткізуге өтінім хабарламада көрсетілген өтінімді қабылдау күні мен уақыты аяқталғаннан кейін автоматты түрде тізілімнің веб-порталы арқылы жүргізіледі.

3. Хаттамаға комиссия хатшысы ЭЦҚ пайдалана отырып қол қойылған уақыты көрсетіліп, автоматты түрде өтінім берген барлық мемлекеттік заңды тұлғалардың электрондық пошталарына хабарлануымен әрбір өтінім бойынша дауыс беру жолымен өтінімдерді ашу күні өтінімдерді қараудың нәтижелері туралы комиссия шешімі қабылданады және автоматты түрде тізілімнің веб-порталында жарияланады.

Мемлекеттік заңды тұлғалардан мүлікті алуға ниетті бірнеше өтінімдер болған жағдайда өз өтінімін бірінші болып берген мемлекеттік заңды тұлға артықшылықты пайдаланады;

4. Егер, бірінші болып өтінім берген мемлекеттік заңды тұлғаның қажеттіліктері орындалғаннан кейін мұліктің артық қалдықтары қалған жағдайда, мемлекеттік мүлік бойынша уәкілетті ұйымымен (органымен) келесі өтінім берушілерге ұсынылады.