Салық төлеушінің мүлкін сату бойынша аукционды өткізу қағидалары:

1) Аукцион басталған сәтте аукцион залында қатысушылардың лотқа берген баға ұсыныстары көрсетіледі, олар лотты сатып алуға келісім білдіру нысаны болып табылады және ағымдағы баға қалыптасады;

2) Аукцион басталған сәттен бастап қатысушыға басқа қатысушының ең жоғарғы ағымдағы бағасын 28-тармақта белгіленген қадамға ұлғайту мүмкіндігі беріледі. Ол тармақ салық төлеушінің және (немесе) үшінші тұлғаның кепілге қойылған мүлкін, сондай-ақ салық төлеушінің (салық агентінің) билік етуі шектелген мүлкін салық берешегі есебіне, төлеушінің кедендік төлемдер, салықтар, арнайы, демпингке қарсы, өтемақы баждары, өсімпұлдар, пайыздар бойынша берешегі есебіне өткізу қағидаларында көзделген. Бұл қағидалар Қазақстан Республикасы Қаржы министрінің 2018 жылғы 1 ақпандағы №111 бұйрығымен бекітілген (бұдан әрі – Қағидалар). Сауда ең жоғары бағаны бір қатысушы ұсынғанға дейін жалғасады;

3) Егер аукцион басталғаннан кейін жиырма минут ішінде ешбір қатысушы ең жоғарғы ағымдағы бағаны көтермесе, онда оны ұсынған қатысушы жеңімпаз деп танылады, ал аукцион осы лот бойынша өтті деп есептеледі;

4) Егер аукционның аяқталу сәтінде (сағат 17:00-де) аукцион жеңімпазы анықталмаса, онда лотты сатып алуға соңғы болып келісімін білдірген қатысушы жеңімпаз деп танылады, ал аукцион осы лот бойынша өтті деп есептеледі.

Аукционның нәтижелері әрбір сатылған мүлік бойынша электрондық сауда нәтижелері туралы хаттамамен ресімделеді. Хаттамаға веб-порталда сатушы мен жеңімпаз ЭЦҚ арқылы аукцион өткізілген күні қол қояды.