Бағаны төмендету аукционын өткізу қағидалары:

1) Егер аукцион басталғаннан кейін екі минут ішінде қатысушылардың ешқайсысы жекешелендіру нысанын сатып алуға ниетін растамаса, онда жекешелендіру нысанының бастапқы бағасы Қазақстан Республикасы Үкіметінің 2011 жылғы 9 тамыздағы №920 қаулысымен бекітілген жекешелендіру нысандарын сату қағидаларына сәйкес белгіленген қадамға төмендетіледі;

2) Егер баға төмендетілгеннен кейін екі минут ішінде қатысушылардың ешқайсысы жекешелендіру нысанын сатып алуға ниетін растамаса, онда соңғы жарияланған баға белгіленген қадамға қайтадан төмендетіледі.

Бағаны төмендету аукционының жеңімпазы болып жекешелендіру нысанын жарияланған бағамен сатып алуға ниетін бірінші болып растаған қатысушы танылады, ал осы жекешелендіру нысаны бойынша аукцион өткізілген болып есептеледі;

3) Егер жекешелендіру нысанының бағасы белгіленген ең төменгі деңгейге жеткен кезде қатысушылардың ешқайсысы нысанды сатып алуға ниетін растамаса, онда аукцион өткізілмеген болып танылады.

Бір ғана қатысушы қатысқан аукцион, егер ол бастапқы немесе ағымдағы бағаны растаған жағдайда, өткізілген болып есептеледі.

Егер бағаны төмендету аукционы аяқталған сәтте, сағат 17:00-де, жеңімпаз анықталмаған болса, онда осы жекешелендіру нысаны бойынша аукцион өткізілмеген болып танылады.

Әрбір сатылған мүлік бойынша аукцион нәтижелері Сауда нәтижелері туралы хаттамамен ресімделеді, ол веб-порталда сатушы мен жеңімпаз тарапынан ЭЦҚ арқылы сауда өткен күні қол қойылады.

Сатып алу-сату шарты электрондық форматта реестрдің веб-порталында жасалады және хаттамаға қол қойылған күннен бастап он күнтізбелік күннен аспайтын мерзімде сатушы мен сатып алушы тарапынан ЭЦҚ арқылы қол қойылады.