Жалпы:
1) Жылына кемінде бір рет барлық автокөлік құралдарына автосақтандыруды ресімдеу;
2) Барлық автокөлік құралдарын жылына кемінде екі рет уақтылы техникалық байқаудан өткізу;
3) Автокөлік құралдары сынған жағдайда жөндеу жұмыстарының барлық түрлерін өз қаражатына жүргізу;
4) Уақтылы техникалық бақылау жүргізу (майларды, сүзгілерді, шығыс материалдарын және т. б. ауыстыру);
5) Барлық автокөлік құралдарының покрышкаларын, шиналарын жылына кемінде бір рет ауыстыру;
6) Арнайы техниканы жөндеу жұмыстарын жүргізу үшін мамандардың болуы (саны 1 бірліктен кем емес инженер-механик, саны 1 бірліктен кем емес автослесарь, саны 1 бірліктен кем емес автоэлектрик);
7) Автокөлік құралы жол-көлік оқиғасына түскен жағдайда жөндеу және басқа да шығыстар үшін жауаптылықта болуға;
8) Тиісінше пайдаланбау нәтижесінде пайдалануға жарамсыз автокөлік құралын ұқсас автокөлік құралына ауыстыруды жүргізу;
9) Автокөлік құралдарын уақытша не тұрақты пайдалануға (жалға, өтеусіз пайдалануға және т. б.) басқа мекемелерге немесе жеке тұлғаларға беруге жол берілмейді;
10) Автокөлік құралдарын сенімгерлік басқару мерзімі аяқталған жағдайда немесе келісім-шартты мерзімінен бұрын бұзу жағдайында, қабылдау-тапсыру актісі бойынша белгіленген мерзімде баланс ұстаушыға қалыпты тозу ескеріле отырып, алынған кездегідей қайтару, егер арнайы техниканың қайтарылуында кемшіліктер болса, дереу шығындарды өтеу немесе төлеу;
11) Автокөлік құралдарын пайдалануға байланысты барлық төлемдер мен айыппұлдарды уақтылы жүргізу;
12) Қаланы абаттандыру, жолдарды санитарлық тазалау және қысқы-жазғы күтіп ұстау жұмыстарында автокөлік құралдарын тек Ақтөбе қаласында ғана пайдалану.
