Жалпы:

1) Кербұлақ ауданы, Шанханай ауылында орналасқан балабақшаа ғимаратын мектепке дейінгі ұйым (балабақша) ретінде мақсатты түрде қайта жаңғыртуға;

2) Кейіннен сатып алу құқығынсыз сенімгерлік басқаруға беру мерзімі 5 жыл;

3) Мектепке дейінгі білім беру саласында жұмыс тәжірибесінің болуы;

4) Салықтар мен бюджетке төленетін төлемдер бойынша берешектің жоқтығы туралы анықтаманың болуы;

5) Мектепке дейінгі ұйымдар үшін жайларына қойылатын талаптарға және тамақтандыру ұйымдарының талаптарына сәйкес келуі;

6) Жұмыс орындарын құруға;

7) Объектіні күту, ағымдағы және күрделі жөндеу жүргізуге;

8) Объектіге автономды жылыту жүйесін орнатуға, электр сымы мен сумен жабдықтау жүйесін тартуға, шатырдың төбесін ауыстыру арқылы төбені күрделі жөндеуге, терезелер мен есіктерді жаңадан салу, еденді ауыстыру, ішкі интерьерді безендіруге;

9) Сыртқы қабырғаларды жөндеу, көгалдандыру, оның ішінде қоршаулар орнату, сыртқы жарықтандыруды жүргізуге;

10) Қажетті жиһаз және жабдықтарды (төсек-орын жабдықтары, ыдыс-аяқ, шаруа-тұрмыстық мақсаттағы тауарлар) ойын алаңы үшін жабдықтарды сатып алуға;

11) Объектіні тиісті жағдайда сақтауға, объектінің инженерлік коммуникацияларын қамсыздандыру және аумағын көркейтуге;

12) Коммуналдық меншік нысаннын сақталуын қамтамасыз етуге;

13) Объектілерге салынатын инвестициялардың көлемін, түрін және мерзімін көрсете отырып бизнес-жоспар ұсынуға;

14) Сенімгерлік басқарушы ғимаратты пайдалануды қамтамасыз ету мақсатында (күрделі жөндеу және жарақтандыру, сумен жабдықтау бойынша және т.б.) жүргізген барлық, сондай-ақ кейінгі шығындар Теңгерім ұстаушының және Құрылтайшының өтеуіне жатпайды;

15) Сенімгерлік басқарушымен мемлекеттік мүлікті басқару бойынша келісім-шарттың жағдайларын орындамау немесе тиісті деңгейде орындамаған жағдайда мүлікті өз еркімен аудандық коммуналдық меншікке қайтаруға.