Жалпы:
1) Коммуналдық жағажайға барлық келушілердің тегін кіруін қамтамасыз ету. Коммуналдық жағажай аумағына автокөлік құралдарының кіруіне тыйым салынады.
2) Теңгерім ұстаушымен келісу бойынша күрделі емес кәсіпкерлік объектілерін (қоғамдық тамақтану, сауда және ойын-сауық объектілерін) орналастыруға жол беріледі.
3) Коммуналдық жағажайдың бүкіл аумағында арнайы бөлінген орындарды қоспағанда, темекі өнімдерін (сигареттер, сигарлар, сигариллалар, папиростар, кальяндар және т.б.) шегуге, электрондық темекі құралдарын, сондай-ақ шегуге арналған қоспалар мен түтін түзетін заттарды пайдалануға тыйым салу.
4) Жазатайым оқиғалардың алдын алу мақсатында православиелік Крещение мерекесін өткізу кезеңінде шомылатын орын ұйымдастырып, оны жарықтандырумен қамтамасыз ету.
5) Объектіні жаңғыртуға инвестициялар салу және демалушыларға сапалы қызмет көрсетуді, олардың демалысы мен бос уақытын тиімді ұйымдастыруды қамтамасыз ету мақсатында жекелеген құрылыс жұмыстарын жүзеге асыру.
6) Шомылу маусымы басталғанға дейін және шомылу маусымы барысында санитариялық-эпидемиологиялық мониторинг жүргізу, су айдындарындағы суға және жағажайлардағы құмға санитариялық қағидалар мен нормалау құжаттарының талаптарына сәйкестігіне зертханалық зерттеулер жүргізу.
7) Объектіні нысаналы мақсаты бойынша — коммуналдық жағажай ретінде пайдалану.
8) Объектіні абаттандыру және санитариялық тазалау жұмыстарын жүргізу, демалыс аймағында қоғамдық тәртіп пен тазалықтың сақталуын заңнама талаптарына сәйкес қамтамасыз ету.
9) Құтқару бекеттерін салу және жабдықтау.
10) Шомылу аймағының шекараларын белгілеу және қоршау.
11) Санитариялық, эпидемиологиялық, құрылыстарды пайдалану, техникалық және өрт қауіпсіздігі қағидаларын сақтау.
12) Судағы жазатайым оқиғалардың алдын алу қағидалары, ауа мен судың температурасы, желдің бағыты мен жылдамдығы, су ағысының бағыты және басқа да қажетті мәліметтер көрсетілген ақпараттық стендтерді (қалқандарды) орнату.
13) Демалушылар мен персоналдың қауіпсіздігін қамтамасыз ету: алғашқы медициналық көмек көрсете алатын нұсқаушы-құтқарушылардың, жағалау бойында құтқару мұнаралары мен қалқандардың, сондай-ақ алғашқы медициналық көмек көрсетуге арналған үй-жайдың немесе орынның болуын қамтамасыз ету.
14) Құтқару бекеттерін қажетті медициналық және құтқару жабдықтарымен, оның ішінде медициналық қалқымалармен, зембілдермен, реанимация құралдарымен (жасанды тыныс алдыру аппараты, дефибриллятор), дәрі қобдишаларымен және басқа да көзделген жабдықтармен қамтамасыз ету.
15) Моторлы қайығы және дауыс зорайтқышы бар бақылаушының болуын қамтамасыз ету.
16) Арнайы курстардан өткен суда құтқару қызметкерлерінің болуын қамтамасыз ету.
17) Жағажайды күннен қорғайтын қалқалармен немесе қолшатырлармен, шезлонгтармен, орындықтармен және жатақтармен жабдықтау.
18) Әрбір 50 адамға бір киім ауыстыратын кабина есебінен жалпы немесе жеке киім ауыстыратын кабиналарды орнату.
19) Шомылатын орынды өткір және кесетін заттардан және тұрмыстық қоқыстардан тұрақты түрде тазалауды қамтамасыз ету, қажет болған жағдайда жағажайға құм төсеу және аптасына бір рет құмның бетін механикалық түрде қопсыту.
20) Жағажай жабылғаннан кейін күн сайын жағалауды, киім ауыстыратын кабиналарды және жасыл аймақты жинауды, дәретханаларды тазалау және дезинфекциялауды жүргізу; күн ішінде ағымдағы жинауды жүзеге асыру және жиналған қалдықтарды уақтылы шығаруды қамтамасыз ету.
21) Қатты тұрмыстық қалдықтарды жинауға арналған контейнерлерді жағажайлардан және демалушылар жаппай жиналатын орындардан (би алаңдары, эстрадалар, субұрқақтар, негізгі аллеялар, ойын-сауық павильондары) кемінде 50 м қашықтықта орнату.
22) Жағажай аумағында әрбір 75 келушіге бір орын есебінен дәретханалар орнату, оларды шомылатын орыннан кемінде 50 м және 200 м-ден аспайтын қашықтықта орналастыру.
23) Дәретханаларда жабылатын есіктері бар жеке кабиналарға арналған үй-жайларды, ерлер бөлімінде писсуарларға арналған үй-жайды, жинау құралдарын, жуғыш және дезинфекциялау құралдарын сақтайтын орынды, сондай-ақ қолжуғыштарды қарастыру.
24) Дәретханаларды күн сайын және ластануына қарай қосымша тазалауды қамтамасыз ету.
25) Жағажайда және шомылатын орындарда екі аптада бір рет дезинфекциялық жұмыстарды ұйымдастыру. Дезинфекциялау, дезинсекциялау және дератизациялау жұмыстарын нормалау құжаттарының талаптарын сақтай отырып, рұқсат етілген дезинфекциялау құралдарын технологиялық нұсқаулыққа және өндірушінің қолдану жөніндегі нұсқаулығына сәйкес пайдалана отырып, тиісті ұйымдар арқылы жүргізу.
26) Коммуналдық жағажай аумағында алкогольдік сусындарды сатуға және ішуге жол бермеу.
27) Қазақстан Республикасы Ішкі істер министрінің 2015 жылғы 19 қаңтардағы № 34 бұйрығымен бекітілген су айдындарындағы қауіпсіздік қағидаларын сақтау.
