«Ақпараттық-есептеу орталығы» АҚ
Директорлар кеңесінің
2022 жылғы 23 қарашадағы шешімімен
(№ 128 хаттамасы)
бекітілген

Мемлекеттік мүлік тізілімінің веб-порталында
мүлікті сату бойынша электрондық сауда-саттықты өткізу регламентіне өзгерістер

1. «Ақпараттық-есептеу орталығы» АҚ Директорлар кеңесінің 2014 жылғы 23 мамырдағы шешімімен (№66 хаттамасы) бекітілген, Мемлекеттік мүлік тізілімінің веб-порталында мүлікті сату бойынша электрондық сауда-саттықты өткізу регламентіне келесі өзгерістер енгізілсін:

1) 60 тармақ келесі редакцияда жазылсын:

«Аукцион Астана қаласының уақыты бойынша сағат 10:00-ден бастап 17:00-ге дейін тізілімнің веб-порталы белгілеген уақыттан басталады, бұл ретте аукцион сағат 15:00-ден кешіктірілмей басталады және келесі түрде өткізіледі:

1) аукцион басталған сәтінде аукцион залында өтінімде көрсетілген конкурсқа қатысушылардың баға ұсыныстары көрсетіледі, олар сатушы комиссиясы белгілеген бастапқы бағадан кем болмауы тиіс және ағымдағы баға қалыптастырылады;

2) аукцион басталған сәтінен бастап қатысушыға осы Регламенттің 43-тармағына сәйкес белгіленген қадамға басқа қатысушының барынша ағымдағы бағасын жоғарылату мүмкіндігі беріледі;

3) егер аукцион басталғаннан бастап жиырма минут ішінде қатысушылардың ешқайсысы барынша ағымдағы бағаны жоғарылатпаса, онда оны ұсынған қатысушы жеңімпаз болып танылады, ал осы лот бойынша аукцион өткізілді деп танылады;

4) егер аукцион залында аукцион басталғаннан бастап жиырма минут ішінде қатысушылардың бірі осы Регламенттің 43-тармағына сәйкес белгіленген қадамға басқа қатысушының барынша ағымдағы бағасын жоғарылату жолымен сату объектісін сатып алу ниетін растайтын болса, онда ағымдағы баға белгіленген қадамға жоғарылатады;

5) егер ағымдағы баға өскеннен кейін жиырма минут ішінде қатысушылардың ешқайсысы ағымдағы бағаны жоғарылату жолымен сату объектісін сатып алу ниетін растамаса, онда сату объектісін сатып алу ниетін соңғы растаған қатысушы жеңімпаз болып танылады, ал аукцион өткізілді деп танылады.

Егер бағаны жоғарылату аукционның аяқталу сәтінде сағат 17:00-де аукцион жеңімпазы анықталмаса, онда сату объектісін сатып алуға өзінің ниетін растаған соңғы қатысушы жеңімпаз болып танылады және осы сату объектісі бойынша аукцион өткізілді деп танылады.»;

2) 74-тармақ келесі редакцияда жазылсын:

«Жеңімпаз осы Регламентте көрсетілген мерзімдерде сауда-саттық қорытындылары туралы электрондық хаттамаға қол қоймаған не осы Регламенттің 72-1-тармағы бұзылған кезінде, онда сатушы/ұйымдастырушы тізілімнің веб-порталы қалыптастыратын сауда-саттық қорытындыларының күшін жою туралы актіге қол қояды.

Сатып алушы осы Регламенттің 68-тармағында көрсетілген мерзімде сатып алу-сату шартына қол қоймаған не сатып алушы сатып алу-сату шарты бойынша міндеттемелерді орындамаған немесе тиісінше орындамаған не сатушыға осы Регламенттің 71-тармағында көрсетілген құжаттарды ұсынбаған кезінде, сатушының кепілдік жарнасы қайтарылмайды және ЭЦҚ қолдана отырып, тізілімнің веб-порталы қалыптастыратын сауда-саттық қорытындыларының күшін жою туралы актіге қол қойылады.».

2. «Ақпараттық-есептеу орталығы» АҚ Директорлар кеңесінің шешімімен бекітілген осы өзгерістер 2022 жылғы 1 желтоқсаннан бастап қолданысқа енгізіледі.