«Ақпараттық-есептеу орталығы» АҚ
Директорлар кеңесінің 2024 жылғы
12 желтоқсандағы шешімімен
(№ 146 хаттамасы) бекітілген

Мүлікті мүліктік жалдауға (жалға алуға) беру бойынша электрондық сауда-саттықтарды мемлекеттік мүлік тізілімнің веб-порталында өткізу регламентіне өзгерістер мен толықтырулар

1. «Ақпараттық-есептеу орталығы»» АҚ директорлар кеңесінің 2017 жылғы 27 желтоқсандағы шешімімен (№ 94 хаттама) бекітілген Мемлекеттік мүлік тізілімінің веб-порталында мүлікті мүліктік жалдауға (жалға алуға) беру бойынша электрондық сауда-саттықты өткізу регламентіне мынадай өзгерістер мен толықтыру енгізілсін:

1) 1-тармақтың 1) тармақшасы мынадай редакцияда жазылсын:

«1) мемлекеттік мүлік тізілімнің веб-порталы (бұдан әрі – тізілімнің веб-порталы) - Интернет желісінде www.e-qazyna.kz мекенжайы бойынша орналастырылған, сатушылар және олармен сатылатын мемлекеттік меншік, квазимемлекеттік секторы объектілері мен мемлекеттік емес мүліктің электрондық деректер базасына (бұдан әрі – деректер базасы) бірыңғай қолжетімділік нүктесін ұсынатын интернет-ресурс;»;

2) 1-тармақ мынадай мазмұндағы 14-1) тармақшамен толықтырылсын:

«14-1) қатысушының ақшалай балансы (бұдан әрі - электрондық әмиян) - әлеуетті қатысушының екінші деңгейдегі банктегі ұйымдастырушының есеп шотына енгізген, сауда-саттыққа қатысу үшін кепілдік жарналарды қабылдауға және кепілдік жарналарды қайтаруға байланысты ақшалай қаражатты есепке алу үшін ұйымдастырушы пайдаланатын тізілім веб-порталындағы әлеуетті қатысушының дербес шоты;»;

3) 6-тармақ мынадай редакцияда жазылсын:

«6. Ұйымдастырушының функциялары:

1) сатушы қол қойған кепілдік жарнаны аударуға өтінім негізінде сауда-саттықта жеңген қатысушының электрондық әмиянында бұғатталмаған кепілдік жарнасын тізілімнің веб-порталында ЭЦҚ пайдалана отырып жалға берушінің шотына аудару;

1-1) қатысушы тізілімнің веб-порталында ЭЦҚ пайдаланып қол қойған, ақша қаражатын қайтаруға арналған өтініштер негізінде сауда-саттыққа қатысушыға электрондық әмияннан ақша қаражатын өтініш берілген күннен бастап үш жұмыс күнінен кешіктірілмейтін мерзімде қайтаруды;

1-2) сауда-саттықтарға қатысуға өтінім беру үшін электрондық әмиянда қатысушылардың бұғатталмаған ақшалай қаражатын бірнеше рет пайдалану мүмкіндігін қамтамасыз ету;

2) жалға берушілердің дерекқорға қол жеткізуін қамтамасыз ету;

3) тізілім веб-порталын жалға берушілерге (пайдаланушыларға), оның ішінде облыс орталықтарында және Республикалық маңызы бар қалаларда орналасқан Аумақтық бөлімшелер арқылы консультациялық көмек көрсету;

4) дерекқорды толтыруға байланысты басқа функциялар.»;

4) 19-тармақ мынадай редакцияда жазылсын:

«19. Сауда-саттыққа қатысушыларды тіркеу хабарлама тізілімнің веб-порталында жарияланған күннен бастап жүргізіледі және сауда-саттық басталғанға дейін бес минут бұрын аяқталады.»;

5) 26-тармақ мынадай редакцияда жазылсын:

«26. Сауда-саттыққа қатысуға өтінім тіркелгеннен кейін тізілімнің веб-порталы электрондық әмиянда жалдау объектісі немесе өтінім берілген тендер нысанасы бойынша кепілдік жарна сомасына ақша қаражатының бар-жоғын автоматты түрде тексереді.»;

6) 27-тармақ мынадай редакцияда жазылсын:

«27. Электрондық әмиянда өтінім берілген жалдау объектісі бойынша кепілдік жарна сомасына ақшалай қаражат болған жағдайда, тізілімнің веб-порталы өтінімді қабылдауды және тендер объектісі немесе нысанасы бойынша сауда-саттық нәтижелері анықталғанға дейін кепілдік жарна сомасына электрондық әмияндағы ақшаны бұғаттауды жүзеге асырады, сондай-ақ қатысушыны сауда-саттыққа жіберуді жүргізеді. Электрондық әмиянда кепілдік жарна сомасына ақша қаражаты болмаған кезде тізілімнің веб-порталы қатысушының өтінімін қабылдамайды.»;

7) 28-тармақ мынадай редакцияда жазылсын:

«28. Тізілімнің веб-порталы өтінімді қабылдап алудан бас тарту үшін негізі болып осы Регламенттің 20-тармағында және 21-тармақтың бірінші абзацында көрсетілген, талаптардың қатысушының сақтамауы, сондай-ақ сауда-саттық басталғанға дейін бес минут бұрын электрондық әмиянда сауда-саттықты өткізу туралы хабарламада көрсетілген кепілдік жарна сомасына ақшалай қаражаттың болмауы тізілім веб-порталының өтінімді қабылдаудан бас тартуы үшін негіз болып табылады.»;

8) 32-тармақ мынадай редакцияда жазылсын:

«32. Сауда-саттықта жеңген қатысушының электрондық әмиянында бұғатталмаған кепілдік жарнасын ұйымдастырушы тізілімнің веб-порталында кепілді жарнаны аударуға арналған өтініштің ЭЦҚ-сы бар жалға беруші қол қойған күннен бастап үш жұмыс күні ішінде жалға берушінің шотына аударады және жасалған шарт бойынша жалдау объектісін пайдаланғаны үшін төлемақы есебіне немесе қосалқы жалдау қағидаларына сәйкес тендер нысанасының сатып алу құны есебіне есептеледі.

Осы тармақта көзделмеген қалған жағдайларда кепілдік жарна сомасына салынған ақшалай қаражат сауда-саттық күні қатысушының электрондық әмиянында құлпы ашылады.»;

9) 33-тармақ мынадай редакцияда жазылсын:

«33. Ұйымдастырушы электрондық әмияннан ақша қаражатын тізілімнің веб-порталында қалыптастырылатын кепілдік жарнаны қайтаруға арналған өтініштің ЭЦҚ-сын пайдалана отырып, осы тұлға қол қойған күннен бастап үш жұмыс күні ішінде қайтарады.»;

10) 34-тармақ мынадай редакцияда жазылсын:

«34. «Қазақстан Республикасындағы мерекелер туралы» Қазақстан Республикасының Заңында көзделген мереке және демалыс күндерін қоспағанда, тендер тізілімнің веб-порталында сейсенбіден жұмаға дейін өтеді. тендер Астана қаласының уақыты бойынша сағат 10:00-ден 17:00-ге дейінгі кезеңде өткізіледі және тендер өткізілетін күні аяқталады.»;

11) 1-қосымша қосымшаға сәйкес жаңа редакцияда жазылсын.

2. «Ақпараттық-есептеу орталығы» АҚ Директорлар кеңесінің шешімімен бекітілген осы өзгерістер мен толықтыру 2025 жылғы 1 қаңтардан бастап қолданысқа енгізіледі.

Қосымша

Мүлікті мүліктік жалдауға (жалға алуға)
беру бойынша электрондық
сауда-аттықтарды мемлекеттік
мүлік тізілімнің веб-порталында өткізу
регламентіне 1-қосымша

Жеке және заңды тұлғалардың мүлкін мүліктік жалдауға
(жалға алуға) беру жөніндегі тендерге қатысуға

ӨТІНІМ

1. Мүлікті мүліктік жалдауға (жалға алуға) ұсыну туралы жарияланған хабарламаны қарап және Мүлікті мүліктік жалдауға (жалға алуға) беру бойынша электрондық сауда-саттықтарды мемлекеттік мүлік тізілімнің веб-порталында өткізу регламентімен таныса отырып, мен, төменде қол қоюшы

(жеке тұлғаның тегі, аты, әкесінің аты (болған жағдайда) немесе заңды тұлғаның атауы және басшының немесе сенімхат негізінде әрекет ететін заңды тұлға өкілінің тегі, аты, әкесінің аты (болған жағдайда)

www.e-Qazyna.kz мекенжайы бойынша орналастырылған мемлекеттік мүлік тізілімінің веб-порталында 20 жылғы «___» ________ өтетін тендерге қатысуға өз ниетін білдіремін.

2. Біз (мен) жалдау объектісі немесе тендер заты бойынша сауда-саттық қорытындыларын анықтағанға дейін тізілімнің веб-порталы блок қоятын, тендерге қатысу үшін кепілдік жарнасын енгіздім:

3. Біздің (менің) тендерге қатысушыға (жалға алушыға) қойылатын талаптарға сәйкес еместігіміз айқындалған жағдайда, біз (мен) тендерге қатысу құқығынан айырылатынымызға (ма), мен (біз) қол қойған тендер қорытындылары туралы хаттамасы және мүлікті мүліктік жалдау (жалға алу) шарты немесе жер учаскесін қосалқы жалдау шарты жарамсыз деп танылатынына келісемін.

4. Егер мен (біз) тендердің жеңімпазы (дары) болған жағдайда, өзіме (ізге) тендер қорытындылары туралы хаттамасына тендер өткізген күні қол қою және тендер қорытындылары туралы хаттамасына қол қойылған күннен бастап күнтізбелік бес күннен кешіктірмей, мүліктік жалдау (жалға алу) шартына немесе жер учаскесін қосалқы жалдау шартына қол қою міндеттемелерін қабылдаймыз.

5. Мына:

1) тендерді өткізу күні тендер қорытындылары туралы хаттамаға қол қоймаған;

2) белгіленген мерзімде мүліктік жалдау (жалға алу) шартына немесе жер учаскесін қосалқы жалдау шартына қол қоймаған жағдайларда, мен (біз) енгізген кепілдік жарнаның сомасы қайтарылмайтынымен және жалға берушіде қалатынымен келісемін (міз).

6. Осы өтінім тендер қорытындылары туралы хаттамамен бірге мүліктік жалдау (жалға алу) шартын немесе жер учаскесін қосалқы жалдау шартына жасағанға дейін қолданылатын шарт күшіне ие.

7. Өзім(із) туралы мынадай мәліметтерді ұсынамын (-мыз):

Заңды тұлға үшін:

Атауы__________________________________________________________

БСН__________________________________________________________

Басшының тегі, аты, әкесiнiң аты___________________________________

Мекенжайы:____________________________________________________

Телефон (факс) нөмірі: ___________________________________________

Кепілдік жарнаны қайтару үшін банк деректемелері:

ЖСК__________________________________________________________

БСК __________________________________________________________

Банктің атауы___________________________________________________

Кбе ___________________________________________________________

Кепілдік жарнаны төлеген адамның ЖСН/БСН________________________

Өтінімге мыналар:

1)_____________________________________________________________

2)_____________________________________________________________

3) _____________________________________________________________

4)_____________________________________ қоса беріледі.

Жеке тұлға үшін:

Тегі, аты, әкесiнiң аты (болған жағдайда):____________________________

ЖСН___________________________________________________________

Паспорт деректері________________________________________________

Мекенжайы: ____________________________________________________

Телефон (факс) нөмірі:___________________________________________

Кепілдік жарнаны қайтару үшін банк деректемелері:

ЖСК__________________________________________________________

БСК___________________________________________________________

Банктің атауы___________________________________________________

Кбе ____________________________________________________________

Кепілдік жарнаны төлеген адамның ЖСН/БСН________________________

Өтінімге мыналар:

1)______________________________________________________________

2)______________________________________________________________

Өтініш берушінің ЭЦҚ деректері;

өтініш берушінің ЭЦҚ-мен қол қою күні мен уақыты:

«___»____________20___жыл______ сағат_______ минут.

Мемлекеттік мүлік тізілімінің веб-порталымен қабылданды:

«___» ____________20___жыл_______сағат_______минут.

Қатысушының нөмірі (сауда-саттық аяқталғаннан кейін өтінімде көрсетіледі) ________