Жалпы:
1) Объектіні кейіннен сатып алу құқығынсыз 10 (он) жыл мерзімге сенімгерлік басқаруға беру;
2) Сенімгерлік басқару объектісінің қызметтік бейінін сақтау (объектінің нысаналы мақсатын сақтай отырып, атап айтқанда спорттық іс-шараларды, мәдени-бұқаралық іс-шараларды және өзге де қоғамдық маңызы бар іс-шараларды өткізу үшін пайдалану);
3) Объектіні күтіп-ұстауға байланысты коммуналдық қызметтерге ақы төлеу бойынша барлық шығыстарды өз есебінен жүзеге асыру;
4) Объектінің сәулеттік келбетін сақтау (қасбеттерге, конструкцияларға, жарнамалық элементтерге, аумақты абаттандыруға кез келген өзгерістер енгізу, сондай-ақ күрделі жөндеу жұмыстарын жүргізу міндетті түрде алдын ала теңгерім ұстаушымен келісілуге тиіс);
5) Коммерциялық қызметті шектеу (стадион аумағында рұқсат етілмеген сауда объектілерін, оның ішінде дүңгіршектерді, киоскілерді және өзге де уақытша сауда орындарын орналастыруға тыйым салынады);
6) Объектіні күтіп-ұстауды қамтамасыз ету және күрделі жөндеу жұмыстарын жүргізу;
7) Осы шартты орындау шеңберінде Сенімгерлік басқарушы өзіне мынадай міндеттемелерді қабылдайды: - стадионды тиісті деңгейде күтіп-ұстауды қамтамасыз етуге, оның техникалық жарамды жай-күйін сақтауға, ғимараттарды, құрылыстарды, инженерлік желілер мен жабдықтарды пайдалануға және күтіп-ұстауға байланысты барлық шығыстарды өз қаражаты есебінен көтеруге; - 2027 жылғы 1 наурызға дейін футбол алаңын толық жаңғыртуды жүргізуге (2027 жылғы футбол маусымы басталғанға дейін алаңның жабындысын табиғи шөп жабынына немесе гибридті жабынға толық ауыстыру); - 2027 жылғы 1 наурызға дейін стадион трибуналары шатырына күрделі жөндеу жұмыстарын жүргізуге; - 2028 жылғы 30 сәуірге дейін Тапсырыс берушімен келісу бойынша стадионның қасбетін жаңарту жұмыстарын, сондай-ақ трибуналардағы көрермен орындықтарын ауыстыруды немесе жаңғыртуды жүзеге асыруға; - күрделі жөндеудің әрбір кезеңі аяқталғаннан кейін Тапсырыс берушіге орындалған жұмыстардың актілерін және жұмыстардың көлемін, сапасын және құнын растайтын өзге де құжаттарды ұсынуға.
8) Орталық стадионның ресми футбол матчтарын өткізуге толық дайын болуын қамтамасыз ету және осы шарттың қолданылу кезеңінде «Ақтөбе» футбол клубының барлық ресми үй матчтарын өткізу үшін қажетті ұйымдастырушылық, техникалық және пайдалану жағдайларын жасау;
9) Мәдени-бұқаралық іс-шараларды өткізу (стадион аумағында өткізілетін барлық мәдени-бұқаралық және өзге де іс-шаралар міндетті түрде алдын ала жергілікті атқарушы органмен келісілуге тиіс. Қазақстан футбол федерациясының күнтізбелік жоспарына сәйкес өткізілетін футбол матчтары бұған кірмейді);
10) Әрбір келесі футбол маусымында билеттердің, абонементтердің және өзге де кіру құжаттарының құнын 10%-дан артық өсіруге жол бермеу;
11) Сенімгерлік басқару мерзімі аяқталғаннан кейін мүлік тиісті жағдайда қабылдау-тапсыру актісі бойынша теңгерім ұстаушыға қайтарылуға тиіс;
12) Мемлекеттік мүлікті сенімгерлік басқару жөніндегі қызмет туралы жазбаша есепті салалық уәкілетті органға – «Ақтөбе облысының дене шынықтыру, спорт және туризм басқармасы» мемлекеттік мекемесіне әрбір жарты жыл сайын, есепті кезеңнен кейінгі айдың 10-күнінен кешіктірмей ұсыну;
13) Сенімгерлік басқару шартын мемлекеттік тіркегеннен кейін күнтізбелік отыз күн ішінде мүлікті сенімгерлік басқару мерзіміне сақтандыруды жүзеге асырып, растайтын құжаттарды құрылтайшыға ұсыну;
14) Терроризмге қарсы қорғаныс жөніндегі іс-шараларды жүзеге асыру (күзет, бейнебақылау);
15) Экологиялық және санитариялық нормалар мен талаптарға сәйкес жыл сайын табиғатты қорғау іс-шараларын жүргізу (аумақты абаттандыру, көгалдандыру және т.б.);
16) Үй-жайды Қазақстан Республикасының «Өрт қауіпсіздігі туралы» қағидаларының талаптарына сәйкес пайдалану, бастапқы өрт сөндіру құралдарымен қамтамасыз ету, олардың жарамдылығын тұрақты түрде тексеру, өрт қауіпсіздігі талаптарын сақтау және өрт қауіпсіздігі талаптарының бұзылуы анықталған жағдайда оларды жою жөнінде шаралар қабылдау;
17) Сенімгерлік басқарушының мүлікті сенімгерлік басқаруды жүзеге асыру барысында шеккен қажетті шығыстарының өтемақысы Сенімгерлік басқарушының өз қаражаты есебінен жүзеге асырылады.
