1) Объектіні сенімгерлік басқаруға берудің орындылығының негіздемесі: объектінің тиімді пайдаланылуын қамтамасыз ету, техникалық жай-күйін сақтау, күтіп-ұстау және оның сақталуына жауапкершілікті арттыру мақсатында ұсынылады. Объектіні сатып алу құқығынсыз сенімгерлік басқаруға беру оның коммуналдық меншіктегі мәртебесін сақтай отырып, оны пайдалану мен күтіп-ұстауды тиісті деңгейде ұйымдастыруға мүмкіндік береді. Сенімгерлікпен басқаруға беру шарты жасалатын ұйымға төмендегілер міндеттеледі: 1. Жалпы алаңы 2 494,0 шаршы метр, баланстық құны 356 667 000 (үш жүз елу алты миллион алты жүз алпыс жеті мың) теңгені құрайтын теміржол кірме жол тұйығын 5 (бес) жыл мерзімге сатып алу құқығынсыз сенімгерлік басқаруға қабылдау, міндеттемелерді тиісінше орындаған жағдайда шарттың қолданылу мерзімін ұзарту мүмкіндігімен; 2. Объектіні нысаналы мақсатына сай қауіпсіз пайдалануды, сақталуын және техникалық жарамдылығын қамтамасыз ету. 3. Объектіні күтіп-ұстау, пайдалану, техникалық қызмет көрсету, ағымдағы жөндеу және сақтау шығыстарын өз қаражаты есебінен төлеу. 4. Күрделі жөндеу және қайта жаңарту жұмыстарын құрылтайшының алдын ала жазбаша келісімімен жүргізу және оларға байланысты шығыстарды өз қаражаты есебінен төлеу. 5. Теміржол инфрақұрылымын пайдалану, пойыздар қозғалысы, еңбек, өрт және өзге де қауіпсіздік талаптарын сақтау, қажетті рұқсаттар мен техникалық құжаттарды ресімдеу. 6. Құрылтайшының алдын ала жазбаша келісімінсіз объектіні үшінші тұлғаларға бермеу, қосалқы сенімгерлік басқаруға тапсырмау, кепілге қоймау және иеліктен шығармау. 7. Сенімгерлік басқаруға берілген аумақтың тазалығын күтіп ұстау жұмыстарын жүргізу үшін тазалықшы мамандар қызметін ұйымдастыру; 8. Объектіні пайдаланудан нақты таза кіріс алынған жағдайда ғана сенімгерлік басқару үшін сыйақы алу, оның мөлшерін заңнамада белгіленген шекті мөлшерден асырмау. 9. Теміржол кірме жол тұйығының аумағын таза ұстау, қоқыстан тазарту және қажет болған жағдайда сенбілік ұйымдастыру. 10. Қаржылық қызметі туралы есепті жылына бір рет ұсыну; 11. Жыл қорытындысы бойынша шартта көзделген міндетемелердің орындалуы туралы ақпаратты құрылтайшыға ұсыну; 12. Сенімгерлік басқарушы жыл сайын есептік кезеңнің қорытындысымен таза табысының 50% -дан артық емес бөлігін бюджет кірісіне аудару. 13. Сенімгерлік басқару мерзімі аяқталғаннан кейін объектіні құрылтайшыға белгіленген тәртіппен қайтару. 14. Сенімгерлік басқаруға берілетін объектілер бойынша шығыстарды сенімгерлік нысанды пайдаланудан түскен кірістер есебінен өтеу;