2025 жылғы 15 қазандағы
«Ақпараттық-есептеу орталығы»
АҚ Директорлар кеңесінің шешімімен бекітілген
(№ 152 хаттамасы)
Мүлікті мемлекеттік мүлік тізілімінің веб-порталында сату бойынша
электрондық сауда-саттықты өткізу регламентіне өзгерістер мен толықтыру
1. 2014 жылғы 23 мамырдағы «Ақпараттық-есептеу орталығы» АҚ Директорлар
кеңесінің шешімімен бекітілген мүлікті мемлекеттік мүлік тізілімінің
веб-порталында сату бойынша электрондық сауда-саттықты өткізу регламентіне
(№66 хаттамасы) келесі өзгерістер мен толықтыру енгізілсін:
1)преамбула келесі редакцияда жазылсын
:
«Осы мүлікті мемлекеттік мүлік тізілімінің веб-порталында сату бойынша
электрондық сауда-саттықты өткізу регламенті (бұдан әрі – Регламент)
Қазақстан Республикасының заңнамасына, «Ақпараттық-есептеу орталығы»
акционерлік қоғамының Жарғысына сәйкес әзірленді және жеке және заңды
тұлғалардың мүлкін электрондық сауда-саттықта аукцион, тендер, астық
қолхатын сату бойынша тендер мен конкурс нысанында сату тәртібін
айқындайды.»;
2)
1-тармақтың 11) тармақшасы келесі редакцияда
жазылсын
:
«11) бастапқы баға - жеке инвесторды іріктеу кезінде уәкілетті ұйым
белгілейтін баға немесе тәуелсіз консультанттар немесе бағалаушы ұсынған
объектінің құнын бағалау туралы есеп негізінде айқындалатын және сатушы
қандай құн ең жоғары болатынына байланысты баланстық не бағалау құны
мөлшерінде белгілейтін баға;»;
3)1
-тармақтың 15) тармақшасы
келесі редакцияда жазылсын
:
«15) жеңімпаз - сату объектісі үшін неғұрлым жоғары баға ұсынған және
сауда-саттық қорытындылары туралы хаттамаға қол қойған аукционға қатысушы;
тендерлік шарттармен келіскен және сауда-саттық қорытындылары туралы
хаттамаға қол қойған тендерге қатысушы; бағаны көтеру аукционында сату
объектісі үшін неғұрлым жоғары баға ұсынған және сауда-саттық қорытындылары
туралы хаттамаға қол қойған конкурс шарттарына сәйкес келетін, электрондық
өтінімді бірінші болып берген және сауда-саттық нәтижелері туралы хаттамаға
қол қойған астық қолхатын сату бойынша тендерге қатысушы, проблемалық
объектілер құрылысын және жаңа тұрғын үй кешендері құрылысын аяқтау үшін
жеке инвесторды іріктеу кезінде конкурс шарттарына сәйкес келетін, бағаны
көтеру аукционында жоба үшін неғұрлым жоғары бағаны ұсынған және
сауда-саттық қорытындылары туралы хаттамаға қол қойған қатысушы;»;
4)1
-тармақтың 21) тармақшасы
алынып тасталсын
;
5)4
-тармақтың 8) тармақшасы келесі
редакцияда жазылсын
:
«8) тендердің, конкурстың шарттары туралы шешім қабылдау және оған
қатысушыларға және/немесе мүлікті сатып алушыларға қойылатын талаптарды
белгілеу;»;
6)15
-тармақтың 4) тармақшасы
келесі редакцияда жазылсын
:
«4) сату объектісін бағалау туралы мәліметтер (бағалау күні, бағалау құны,
бағалаушының атауы) және сату объектісінің баланстық құны;»;
7)15-тармақтың
тоғызыншы абзацы
келесі редакцияда жазылсын
:
«1) «Бағалау туралы есептің нысаны мен мазмұнына қойылатын талаптарды бекіту
туралы» 2018 жылғы 3 мамырдағы Қазақстан Республикасы Қаржы министрінің №
501 бұйрығына немесе халықаралық бағалау стандарттарына сәйкес бағалау
стандарттарымен жасалған және қаржылық есептілік депозитарийінен жүктелетін
сату объектісін бағалау туралы есеп (астық қолхатын сауда-саттыққа қою
жағдайларын қоспағанда) және баланстан үзінді;»;
8)17
-тармақтың 9) тармақшасы
келесі редакцияда жазылсын
:
«9) тендердің, конкурстың шарттары, сондай-ақ осы сауда-саттыққа қатысушыға
және/немесе мүлікті сатып алушыға қойылатын қосымша талаптар;»;
9)20-тармақтың
екінші абзацы келесі
редакцияда жазылсын
:
«Егер тендерге, конкурсқа қатысушының заңнамаға және өзге де мән-жайларға
сәйкес сату объектісін сатып алу үшін қажетті рұқсаттар мен келісімдерді
алуы үшін қосымша уақыт қажет болса, Регламенттің осы тармағында белгіленген
сауда-саттық өткізу туралы хабарламаларды жариялау мерзімдерін сатушы
ұзартуы мүмкін.»;
10)23-тармақтың
екінші абзацы келесі редакцияда жазылсын:
«Тендерге, конкурсқа қатысушылар келесі құжаттардың электрондық
(сканерленген) көшірмелерін қоса бере отырып, электрондық конвертке арнайы
бөлінген деректер базасының веб-бетінде жүктелетін тендерлік шарттармен
(конкурс шарттарымен) және осы сауда-саттыққа қатысушының баға ұсынысымен
келісу туралы өтінімді тіркейді:»;
11)34
-тармақтың 1) тармақшасы
келесі редакцияда жазылсын
:
«1) тендерге, конкурсқа қатысушыларға және/немесе сауда-саттықты өткізу
туралы хабарламада көрсетілген мүлікті сатып алушыларға қойылатын қосымша
талаптарға сәйкес келмейтін заңды (жеке) тұлға;»;
12)35-тармақтың
үшінші абзацы
келесі редакцияда жазылсын
:
«Осы тармақта көзделмеген қалған жағдайларда кепілдік жарна сомасына
салынған ақшалай қаражат аукционға немесе тендерге қатысушының электрондық
әмиянында сауда-саттық күні бұғат ашылады.»;
13)7
-бөлімнің мазмұны келесі
редакцияда жазылсын:
«7. Тендер және конкурс»;
14)47
тармақ келесі редакцияда жазылсын:
«47. Тендер Қазақстан Республикасының заңнамасында көзделген мереке және
демалыс күндерін қоспағанда, тізілімнің веб-порталында сейсенбіден жұмаға
дейін өтеді. Тендер Астана қаласының уақыты бойынша сағат 10:00-ден 13:00-ге
дейін өткізіледі.»;
15)47-1 тармақ
келесі редакцияда жазылсын:
«47-1. Объектіні бірінші тендерге, конкурсқа қою кезінде сату объектісінің
бастапқы бағасы алғашқы бағаға тең болады, ал екінші және кейінгі
сауда-саттықта сатушы айқындайды.»;
16)48-1
-тармақтың бірінші абзацы келесі редакцияда жазылсын:
«48-1. Жарғылық капиталында акциялардың бақылау пакеті (қатысу үлесі)
сатушыға тиесілі акционерлік қоғамдардың (жауапкершілігі шектеулі
серіктестіктердің) мүліктік кешендері, акциялары (қатысу үлестері) ретінде
мемлекеттік кәсіпорындарды сатқан жағдайда, тендердің шарты қызмет бейінін
сақтау болып табылады.»;
17) 49 тармақ келесі редакцияда жазылсын:
«49. Сатушы тендер, конкурс шарттарын, сондай-ақ комиссия шешімі негізінде
сату объектісінің бастапқы бағасын айқындайды. Комиссия болмаған кезде
сатушы осы Регламентте көзделген комиссияның функциялары мен өкілеттіктерін
жүзеге асырады.
Сатушы тендерді, конкурсты өткізу туралы хабарламаны тізілімнің
веб-порталында жариялағаннан кейін оның шарттарын өзгертуге жол
берілмейді.»;
18)50-1 тармақ
келесі редакцияда жазылсын:
«50-1. Сату объектісі бойынша тендер басталған сәтте тіркелген қатысушылар
болмаған не сатушы жіберген тендер қатысушылары болмаған жағдайда, тендер
өтпеді деп танылады.
Тек бір қатысушы қатысқан не тендерге қатысу үшін бір қатысушы сатушы
жіберген тендер, егер қатысушы бастапқы бағадан кем емес бағаны ұсынса, өтті
деп танылады.
Егер тендер өткізілмеді деп жарияланса, сатушы сауда-саттықты өткізу туралы
хабарламада көрсетілген сауда-саттық уақыты мен күнінен кейін 24 сағат
ішінде ЭЦҚ пайдалана отырып, тізілімнің веб-порталы қалыптастыратын
өткізілмеген сауда-саттық туралы актіге қол қояды.»;
19)51
тармақ келесі редакцияда жазылсын:
«51. Тендерге, конкурсқа қатысуға өтінімдерді ашу сауда-саттықты өткізу
туралы хабарламада көрсетілген сауда-саттық күні мен уақыты басталған кезде
тізілімнің веб-порталы арқылы автоматты түрде жүргізіледі.»;
20)9
-бөлімнің мазмұны келесі редакцияда жазылсын:
«9. Тендер өткізу»;
21) 62 тармақ келесі редакцияда жазылсын:
«62. Тендерге қатысуға өтінімдерді сатушы сауда-саттықты өткізу туралы
хабарламада көрсетілген қатысушыларға және/немесе мүлікті сатып алушыларға
қойылатын ерекше шарттар мен қосымша талаптарға сәйкес келетін қатысушыларды
айқындау мақсатында тізілімнің веб-порталында қарайды.»;
22) 63 тармақ келесі редакцияда жазылсын:
«63. Сату объектісі үшін неғұрлым жоғары баға ұсынған қатысушы жеңімпаз
болып танылады. Егер тендерде екі және одан да көп қатысушылардың ұсыныстары
бірдей ең жоғары бағаны қамтыса, өтінімі қатысушылардың басқа өтінімдерінен
бұрын қабылданған қатысушы осы қатысушылар арасында тендер жеңімпазы болып
танылады.»;
23) 64-тармақтың 2) тармақшасы келесі редакцияда жазылсын:
«2) тізілім веб-порталы тендерге қатысушылардың баға ұсыныстарын автоматты
түрде салыстыруды жүргізетін қатысушыларға (сатып алушыға) қойылатын
талаптарды қанағаттандыратын қатысушылардың тізімі;»;
24) 65 тармақ келесі редакцияда жазылсын:
«65. Тендер жеңімпазы сауда саттық нәтижелері туралы хаттамаға қол қою үшін
электрондық пошта арқылы сауда саттық нәтижелері туралы хабардар етіледі.
Сауда-саттық нәтижелері туралы хаттаманы тізілімнің веб-порталы
қалыптастырады, сауда-саттық өткізілетін күні сатушы мен тендер жеңімпазы
ЭЦҚ пайдалана отырып қол қояды.»;
25) 68-тармақтың екінші абзацы келесі редакцияда жазылсын:
«-аукцион немесе тендер, конкурс және жеңімпаз бен сатушының объектіні сату
бағасы бойынша сатып алу-сату шартына қол қою міндеттемесі;»;
26) 71-тармақтың алтыншы абзацы келесі редакцияда жазылсын:
«Тендердің, конкурстың жеңімпазы сатып алу-сату шартына қол қойылған кезде
сатушыға өтінімге тіркелген құжаттардың түпнұсқаларын не нотариалды
куәландырылған көшірмелерін ұсынады.»;
27) мүлікті сату бойынша сауда-саттыққа қатысуға өтінімнің 4-тармағының
1) тармақшасы келесі редакцияда жазылсын:
«1) тендерге, конкурсқа қатысушыларға және/немесе сауда-саттықты өткізу
туралы хабарламада көрсетілген мүлікті сатып алушыларға қойылатын қосымша
талаптарға сәйкес келмейтін заңды (жеке) тұлға;»;
28) мүлікті сату бойынша сауда-саттыққа қатысуға өтінімнің 6-тармағының
4) тармақшасы келесі редакцияда жазылсын:
«4) менің (біздің) тендерге немесе конкурсқа қатысушыға (мүлікті сатып
алушыға) қойылатын талаптарға сәйкессіздігім анықталды;»;
29) мүлікті сату бойынша сауда-саттыққа қатысуға өтінімнің 6-тармағының
5) тармақшасы келесі редакцияда жазылсын:
«5) тендерге, конкурсқа қатысушыға немесе мүлікті сатып алушыға қойылатын
қосымша талаптарға сәйкестігін растайтын құжаттарды сатушыға ұсынбау.»;
30) мүлікті сату бойынша сауда саттыққа қатысуға өтінімнің 9 тармағының
отыз бесінші абзацы келесі редакцияда жазылсын:
«Тендерге, конкурсқа қатысушының баға ұсынысы, тг.: ___________ (сауда
саттыққа қатысушы толтырады және сатушы не комиссия тендерге немесе
конкурсқа жіберу хаттамасына қол қойғаннан кейін өтінімде көрсетіледі).».
2. «Ақпараттық-есептеу орталығы» АҚ Директорлар кеңесінің шешімімен
бекітілген осы өзгерістер мен толықтыру 2025 жылғы 1 қарашадан бастап
қолданысқа енгізіледі.