«Ақпараттық-есептеу орталығы» АҚ
2020 жылдың 8 маусымындағы №286
бұйрығымен бекітілген

Мемлекеттік мүлік тізілімі веб-порталында сауда-саттықтарды өткізу
бойынша электрондық қызметтерді көрсету туралы № ___
үлгілік шарты

(2023 ж. 03 наурыздағы. №131 «АЕО» АҚ бұйрығымен өзгерістер енгізілді)

«____________________» АҚ/ ЖШС/ ЖК бұдан әрі «Сатушы» деп аталатын ___________________ атынан Жарғының негізінде әрекет ететін басшысы бір тараптан және бұдан әрі «Ұйымдастырушы» деп аталатын «Ақпараттық-есептеу орталығы» акционерлік қоғамы атынан Жарғының негізінде әрекет ететін Басқарма Төрағасы Оспанов Жанасыл Бегалиевич екінші тараптан, бұдан әрі бірлесіп «Тараптар» деп аталатындар Мемлекеттік мүлік тізілімі веб-порталында сауда-саттықтарды өткізу бойынша электрондық қызметтерді көрсету туралы осы шартты (бұдан әрі – Шарт) мына төмендегілер туралы келісімге келді:

1. Шарттың мәні

1.1. Осы шартқа сәйкес Ұйымдастырушы «Сатушылардың деректері және олар жүзеге асыратын мүліктің электронды базасы» электрондық ақпараттық ресурсында (бұдан әрі- Ресурс) орналасқан және Ұйымдастырушының Директорлары кеңесінің шешімімен бекітілген мемлекеттік мүлік тізілімі веб-порталында мүлікті сату (мүліктік жалға (жалдауға) бойынша электрондық сауда-саттықтарды өткізу регламентіне (бұдан әрі - Регламент) сәйкес мүлікті электронды сауда-саттықты Сатушыны ұйымдастырумен және сатумен (мүліктік жалға (жалдауға) байланысты қызметтерді көрсетеді.

1.2. Осы Шарт Тараптардың электрондық сауда-саттықты ұйымдастыру және өткізу жөніндегі қатынастарын реттейді және осы Шарттың ірекет ету мерзімі ішінде лоттардың шектелмеген санына қатысты Сатушының сауда-саттықтың шектелмеген санын өткізу мүмкіндігін көздейді..

1.3. Төменде көрсетілген құжаттар мен оларда айтылған талаптар осы Шартты құрайды, атап айтқанда:

1) осы Шарт;

2) Ұйымдастырушының Директорлары кеңесінің шешімімен бекітілген Баға көрсеткішіне сәйкес Ұйымдастырушы қызметтерінің құны (Ресурста орналастырылған);

3) Регламент (Ресурста орналастырылған).

2. Ресурсқа және Жеке кабинетке қолжетімділік

2.1. Ресурстағы Сатушының Жеке кабинеті арқылы ұсынылатын торгов электронды сауда-саттықты ұйымдастыру мен өткізу ресурсының функционалына Сатушының қолжетімділігі Сатушының осы Шарт талаптарымен келісімін растайтын Электрондық цифралық қолтаңбаны (бұдан әрі – ЭЦҚ) қолдана отырып, қандай да бір қосымша талаптарсыз Тіркеу өтінішіне қол қойғаннан кейін және осы Шарттың 4.1-тармағына сәйкес Ресурсқа қосылу үшін Сатушымен біріңғай төлемді жүргізгенінен кейін www.gosreestr.kz адресі бойынша ұсынылады.

2.2. Жеке кабинетті қолдана отырып Тіркеу өтінішіне қол қойылуы келесі тәртіпте жүргізіледі:

2.2.1. Дербес тіркелу мына төмендегі ретте (ar.gosreestr.kz парағында) жүзеге асырылады:

- Сатушы ретінде (заңды тұлға): заңды тұлғаға берілген ЭЦҚ және «Заңды тұлға қызметкерінің, оның ішінде: Мемлекеттік мүлік тізілімінде және/немесе Қаржылық есептілік депозитарийінде тіркелген жұмыс орнын» қолданумен;

- Сатушы ретінде (жеке тұлға немесе жеке кәсіпкер): жеке тұлғаға берілген ЭЦҚ және «Жеке тұлғаның немесе жеке кәсіпкердің тіркелген жұмыс орны» қолдануымен;

2.2.2. Жеке кабинетте Сатушымен келесі мәліметтерді енгізу жүзеге асырылады:

- жеке тұлғалар үшін: жеке сәйкестендіру нөмірі (ЖСН), тегі, аты, әкесінің аты (бар болған жағдайда);

- заңды тұлғалар үшін: бизнес сәйкестендіру нөмірі (БСН), толық атауы, бірінші басшының тегі, аты, әкесінің аты (бар болған жағдайда) және бірінші басшының ЖСН;

- сатып алушының сатылым бағасын төлеуге және Ұйымдастырушымен өзара есеп айырысуды жүзеге асыруға арналған екінші деңгейдегі банісіндегі банктік шоттының деректемелері;

- байланыс мәліметтері (пошталық адресі, телефон, факс, e-mail);

2.2.3. Сатушы «Мүлікті сатушы» бөліміне кіріп:

- немесе «электрондық үкімет» төлем шлюзін (бұдан әрі – ЭҮТШ) қолдана отырып on-line төлемдерді жүзеге асыру үшін «Бір жолғы төлем төлеу» батырмасын басады, ол осы төлемнің Ұйымдастырушының есеп-шотына 1-2 минут ішінде түсуіне кепілдік береді. ЭҮТШ қолдана отырып қаражатты аударғаннан кейін Сатушының ЭЦҚ қолдана отырып қол қоятын тіркеу өтінішін Ресурс автоматты түрде қалыптастырады;

- немесе Шарттың 8-бөлімінде көрсетілген төлем шотын алу үшін және кейіннен Ұйымдастырушының есеп-шотына төлем жасау үшін, «Төлем шотын алу» батырмасын басады. Төлем жасалғаннан кейінгі 2-3 күніне Сатушы «Тіркеу өтінішіне қол қою» батырмасын басады және Ресурстың деректер қорындағы (Банктің төлем жүйесімен біріктірілген) төлемді іздеуді жүзеге асырады. Сатушы Ресурстың деректер қорында іздестірілетін төлемін көрсеткеннен кейін (төлем Ұйымдастырушының шотына қаражат түскеннен соң қол жетімді болады), Сатушы ЭЦҚ қолдана отырып қол қоятын Тіркеу өтінімін Ресурс автоматты түрде қалыптастырады;

2.2.4. Сатушы тіркеу өтініміне ЭЦҚ-ны пайдалана отырып қол қойған кезде жеке кабинетте осы Шартқа Тараптармен автоматты түрде қол қойылады, қолданысқа енгізіледі және Ұйымдастырушының орналасқан жері бойынша Сатушы осы Шартты қағаз тасығышында алуы мүмкін.

2.3. Тіркеу өтініміне қол қойылған кейін Сатушы (заңды тұлға) Жеке кабинетте:

- Сатушының (заңды тұлғаның) атынан және тапсырмасы бойынша Ресурста және Жеке кабинетте жұмыс істеуге уәкілетті сенімді тұлғалардың;

- Сатушы жариялаған конкурсқа қатысушылардың өтінімдерін қарауға және конкурсқа қатысты электрондық хаттамаларға қол қоюға уәкілетті конкурстық комиссияның мүшелерінің тізімін көрсетеді.

2.4. Ресурста және Жеке кабинетте жұмыс істеу кезінде:

- Сатушының (заңды тұлғаның) сенімді өкілдері заңды тұлғаға (Сатушыға) берілген ЭЦҚ-ны;

- Сатушының (заңды тұлғаның) конкурстық комиссия мүшелері жеке тұлғаға берілген ЭЦҚ қолданулары қажет.

3. Тараптардың құқықтары мен міндеттері

3.1. Сатушы:

3.1.1. осы Шартпен көзделген мерзімдері мен тәртіптерінде Ресурсты пайдаланудағы өздеріңі құқығын толық көлемде жүзеге асыруға;

3.1.2. Ресурс жұмысының технологиялық ерекшеліктеріне, ЭЦҚ құралдарын қолдану және Ресурста жұмыс істеумен байланысты өзге де сұрақтарға қатысты консультациялық кеңес алу үшін ауызша және жазбаша нысанда Ұйымдастырушыға жүгінуге;

3.1.3. осы Шарттың 2.2. тармағына сәйкес Жеке кабинетке енгізілген мәліметтерді тегін өзгертуге құқылы.

3.2. Сатушы:

3.2.1. осы Шарттың 4-бөлімінде белгіленген тәртібі мен мерзімдерінде Ұйымдастырушы қызметтерінің құнын қабылдауға және төлеуге;

3.2.2. мүлікті сату кезінде электрондық сауда-саттықтарды өткізу Регламентін, мүлікті мүліктік жалдауға (жалға алуға) беру бойынша электрондық сауда-саттық өткізу Регламентін басшылыққа алуға;

3.2.3. өзінің сенім білдірген тұлғалары және конкурстық комиссияның мүшелері туралы ақпаратты Жеке кабинетте енгізуге (жеке тұлғалар-сатушыларды және жеке кәсіпкерлерді қоспағанда);

3.2.4. ЭЦҚ қолдана отырып Жеке кабинетте келесілерге:

1) конкурсқа қатысушылар арасындағы аукционды, тендерді немесе аукционды өткізу күніне - сауда-саттықтың нәтижелері туралы электрондық хаттамаға;

2) сауда-саттықты өткізу туралы хабарламада көрсетілген сауда-саттықтың күні мен уақытынан кейін 24 сағат ішінде - өткізілмеген сауда-саттық туралы актіге;

3) сауда саттық аяқталған кейін 24 сағат ішінде - сауда-саттық нәтижелерін жою туралы актіге (егер сауда-саттық жеңімпазы Регламентпен белгіленген мерзімде сауда-саттық нәтижелері туралы электронды хаттамаға қол қоюдан бас тартса);

4) есепті айдан кейінгі айдың 10 жұлдызынан кешіктірмей (өткен күнтізбелік ай) есепті кезеңдегі көрсетілген қызметтер актісіне қол қояды.

3.2.5. Регламентпен белгіленген мерзімде конкурсқа қатысты ол құрған конкурстық комиссияның электронды хаттамаларға қол қоюын қамтамасыз етуге;

3.2.6. үшінші тұлғаларға (сенімді өкілдер мен тендерге қатысушыларды немесе конкурстық комиссияны қоспағанда) ЭЦҚ мен Жеке кабинетке қол жеткізетін құпия сөзді бермеуге;

3.2.7. Ресурста, оның ішінде Жеке кабинетте іс-әрекетті жүзеге асыру үшін Регламентпен және Қазақстан Республикасының заңнамасымен қарастырылған өзі және сату (мүліктік жалға (жалдауға) объектісі бойынша сенімді құжаттар мен мәліметтерді ұсынуға;

3.2.8. осы Шарттың 2.2.2-тармағында көрсетілген Жеке кабинеттегі деректерді нақты өзгерткен күннен бастап бір жұмыс күні ішінде деректерді өзгертуге;

3.2.9. Қазақстан Республикасының қолданыстағы заңдылықтарына сәйкес өзге де міндеттерді көтеруге міндеттенеді.

3.3. Ұйымдастырушы:

3.3.1. осы Шарттың 4-бөлімінде белгіленген мерзімдерде Сатушы Ұйымдастырушының қызметі үшін төлем жүргізбеген кезде, сондай-ақ осы Шарттың 3.2-тармағымен белгіленген міндеттемелерді бұзған жағдайда Сатушының Ресурстағы қолжетімділігін тоқтатуға;

3.3.2. Сатушыға осы Шарттың 4.3-тармағына сәйкес Ұйымдастырушы алдындағы қарызын өтегеннен кейін және жүйеге қайта қосылу шоттары бойынша төлем жүргізгеннен кейін Ресурсқа қолжетімділікті қайта қосады;

3.3.3. Осы туралы сатушыға жалпыға бірдей қолжетімді тәсілмен (оның ішінде: ақпаратты ресурста, ұйымдастырушының веб-сайтында және/немесе ұйымдастырушының кеңселерінде орналастыру жолымен) хабарлай отырып, Регламентке, баға көрсткіші мен осы Шартқа өзгерістер (толықтырулар) енгізуге. Жоғарыда көрсетілген құжаттарға өзгерістер (толықтырулар) енгізу туралы Сатушыны хабардар еткен сәттен бастап күнтізбелік 30 күн өткен соң, Ұйымдастырушы осындай өзгерістерді (толықтыруларды) қабылдаудан жазбаша бас тартуды алмаған жағдайда, Регламентке, Баға көрсеткішіне және осы Шартқа өзгерістер (толықтырулар) Сатушымен қабылданған болып саналады;

3.3.4. Көрсетілетін қызметтердің тізімі мен шарттарын дербес анықтауға және олар үшін сәйкесінше төлем алуға құқылы.

3.4. Ұйымдастырушы:

3.4.1. Ресурстың үздіксіз жұмыс жасауын қамтамасыз етуге;

3.4.2. осы Шарттың әрекет ету мерзімі ішінде Қазақстан Республикасының заңнамасына және осы Шарттың талаптарына сәйкес Сатушының Ресурсқа қолжетімділігін қамтамасыз етуге;

3.4.3. Ресурста Сатушымен тіркелген сату (мүліктік жалдау (жалға алу) және сауда-саттық объектілері бойынша бұйрықтарды орындауға немесе Регламентте белгіленген тәртіпте және мерзімде осындай бұйрықтарды орындаудан алуға;

3.4.4. Регламентпен белгіленген мерзімдерінде сауда-саттықтарында қатысушыларынан кепілдік жарналарды қабылдау мен қайтаруды және сауда-саттықтарда жеңген қатысушының кепілдік жарнасын Сатушыға аударуды жүзеге асыру;

3.4.5. облыс орталықтарында және республикалық маңызы бар қалаларда орналасқан Ұйымдастырушының аумақтық бөлімшелері арқылы немесе Форум арқылы (forum.gosreestr.kz сілтемесі бойынша орналастырылған) Ресурс жұмысының технологиялық ерекшеліктеріне қатысты Сатушыға консультациялық көмек көрсетуге міндеттенеді.

4. Есеп айырысу тәртібі

4.1. Сатушыны Ресурсқа қосқаны үшін біржолғы төлем Ұйымдастырушы тарапынан ұсынылған төлемге берілген шот негізінде (Ресурспен қалыптастырылған), Сатушымен жеке кабинетінде осы Шарттың 2.2-тармағында көрсетілген Тіркеу өтінімі қалыптастырған кезде жүргізіледі.

Ресурске Сатушыны қосу үшін Ұйымдастырушы ЭЦҚ пайдалана отырып электрондық нысанда қол қойылған көрсетілген қызметтер актісі (бұдан әрі – электрондық акт), as.gosreestr.kz веб-сайтында Ресурсты пайдалану арқылы Сатушы Жеке кабинетінде Тіркеу өтініміне қол қойған күннен кейін күнтізбелік бес күн ішінде Ұйымдастырушымен ұсынылады.

Көрсетілген электрондық актісіне, ұсынылған сәттен бастап 5 жұмыс күні ішінде Сатушымен Жеке кабинетінде ЭЦҚ колдана отырып қол қойылады.

Сатушыны Ресурсқа қосу үшін шот-фактура Ұйымдастырушымен электрондық түрде беріледі және esf.gov.kz веб-сайтында шот-фактураларды қабылдау және өңдеу бойынша Ақпараттық жүйесі арқылы орналастырылады (бұдан әрі – электрондық шот-фактура).

4.2. Сатушы Жеке кабинетте төлем шотын қалыптастырған күннен бастап күнтізбелік он күн ішінде төлем шотын қалыптастырып, төлемнің алдын ала төлем жасалу әдісі қарастырылады.

Ұйымдастырушы есепті айдан кейінгі айдың 5-күнінен кешіктірмей as.gosreestr.kz веб-сайтында Ресурсты пайдалану арқылы есепті кезеңінде көрсетілген қызметтердің тізбесін қамтитын (өткен күнтізбелік ай)электрондық актіні ұсынады.

Осы электрондық актіге есепті айдан кейінгі айдың 10-күнінен кешіктірмей Жеке кабинетте ЭЦҚ пайдалана отырып Сатушымен қол қойылады. Сатушы электрондық акті ұсынылған күннен бастап 10 күнтізбелік күн ішінде қол қоймаған кезде электрондық акт қол қойылған болып, ал қызметтер толық көлемде және тиісті түрде көрсетілген болып есептеледі.

Электрондық шот-фактура Сатушымен Жеке кабинетте электрондық актіге қол қойған күннен бастап күнтізбелік он бес күн ішінде ұсынылады.

Сатушымен көрсетілген қызметтерге төлеу ай сайын есепті айдан кейінгі айдың жиырма бесінен кешіктірмейтін мерзімде жүзеге асырылады.

Айлық электрондық акт есептік кезеңде (өткен күнтізбелік ай) Ұйымдастырушымен көрсетілген қызметтер болмаған кезде, Ұйымдастырушымен қалыптастырылмайды және Сатушыға жолданбайды.

4.3. Ресурсқа Сатушының қолжетімділігін қамтамасыз етудің жыл сайынғы төлемі Сатушымен Қосу туралы өтінішке қол қойған сәттен бастап мерзімін ұзарту кезінде немесе Ресурсқа қолжетімділікті қайта жаңғырту кезінде жүзеге асырылады.

Қосы туралы өтінішті Жеке кабинетте қалыптастыру:

- Ресурсқа қолжетімділікті ұзарту кезінде: Сатушымен Ресурсты қолданудың бірінші күнтізбелік жылын аяқтағанға дейін немесе аяқтаған күннен кейін;

- Ресурсқа қолжетімділікті қайта жаңғырту кезінде: Ресурсқа қолжетімділіктен Сатушыны ажыратқан күннен бастап.

ЭЦҚ қолданумен қосу туралы өтінішті Сатушы рәсімдеген және қол қойғаннан кейін жыл сайынғы төлем Сатушының есептік шотында ақша қаражаты болған жағдайда автоматты түрде ұйымдастырушымен шығарылады. Сатушының есептік шотында ақша қаражаты болмаған жағдайда төлем Сатушымен Ұйымдастырушы төлем шотын (Ресурспен қалыптасқан) қойған күннен бастап күнтізбелік он күн ішінде жүргізіледі.

Қосылу үшін Өтініш бойынша электрондық акт Сатушы Жеке кабинетте Өтінішке қол қойған күннен бастап бес күнтізбелік күн ішінде Ұйымдастырушымен as.gosreestr.kz веб-сайтында Ресурсты пайдалану арқылы ұсынылады.

Электрондық шот-фактура Сатушымен Жеке кабинентте электрондық актіге қол қойған күннен бастап он бес күнтізбелік күн ішінде ұсынылады.

4.4. Сатушымен төлем жасау:

- ЭҮТШ қолдана отырып, Жеке кабинет арқылы on-line төлем жүргізілген жағдайда Ұйымдастырушының есептік шотына 1-2 минут ішінде осындай төлемнің түскеніне кепілдік береді;

- немесе осы Шарттың 8-бөліміне сәйкес Ұйымдастырушының есеп шотына аудару арқылы төлем жасау теңгеде, қолма-қол ақшасыз жүзеге асырылады

4.5. Көрсетілген қызметтер актілері және төлем шоттарды Жеке кабинетте басып шығаруға болады немесе Ұйымдастырушының орналасқан жері бойынша қағаз түрінде Сатушымен алынуы мүмкін.

5. Жауапкершілік

5.1. Тараптар Регламентке және Қазақстан Республикасының заңнамасына сәйкес осы Шартың талаптарын сақтау үшін жауапкершілік алады.

5.2. Ұйымдастырушы кінәсінен емес Ресурсты қолдану кезінде пайда болған келеңсіздіктерге, оның ішінде Сатушының компьютерлік техникасының кемшіліктерін немесе қатардан шығуын, Сатушы тарапынан Интернет желісіндегі ақаулықтар мен тұрақсыз қосылыстарды, Сатушының Интернет-провайдерімен енгізілген Интернет желісіне қол жеткізудегі шектеулерді, Сатушының компьютерлік техникасында қандай да бір себептерге байланысты компьютерлік зиянды бағдарламалық өнімдерді ескере отырып Ресурсты қолдану кезінде орын алған жағымсыз жағдайлар үшін (оның ішінді үшінші тұлғалардың алдында да) жауапкершілік алмайды.

5.3. Сатушы Ресурспен жұмыс істеу кезінде ақпараттық қауіпсіздікті қамтамасыз етуге (зиянды бағдарламалық қамтамасыз етумен күрес бөлігінде) жауапкершілік алады.

5.4. Сатушы сауда-саттық бойынша тиісті түрде орындамағаны үшін жауапкершілік алады, оның ішінде Регламентпен белгіленген мерзімдерді сақтау бөлігінде үшінші тұлғалардың алдында.

5.5. Егер Ұйымдастырушы осы Шарттың, Регламенттің талаптарын немесе Қазақстан Республикасының заңнамасын бұзған жағдайда Сатушының өз міндетін орындай алмаған жағдайда Ұйымдастырушының жауапкершілігі туындайды.

5.6. Осы шартты орындау кезінде пайда болған барлық келіспеушілікті және одан туындайтын барлық даулар келіссөздер жүргізу арқылы шешілуге тиісті, ал келісімге келмеген жағдайда даулар соттық тәртіппен, яғни Қазақстан Республикасының заңнамасы негізінде Ұйымдастырушының орналасқан мекен - жайына байланысты Астана қалалық экономикалық соты және Астана қаласы Сарыарқа аудандық соты арқылы шешіледі.

6. Форс-мажор

6.1. Осы Шарттың мақсаты үшін «форс-мажор» Ұйымдастырушы мен Сатушының қате есептеуімен және ұқыпсыздығымен байланысты емес Ұйымдастырушы мен Сатушы тарапынан бақылауға бағынбайтын және күтпеген сипатқа ие оқиғаны білдіреді. Мұндай оқиғалар Ұйымдастырушыға қатысты қабылданған мемлекеттік органдардың шешімдері мен іс-әрекеттерін, әскери іс-қимылдарды, табиғи немесе зілзала апаттарын, індет, карантин және қызметтерді көрсетудегі эмбарго сияқты оқиғаларды қамтиды, бірақ олармен шектелмейді.

6.2. Осы Шарт бойынша Тараптар өз міндеттемелерін толық немесе жартылай орындауына кедергі келтіретін Тараптардың еркі мен күш-жігеріне байланысты емес атап айтқанда: табиғи апаттар немесе соғыс, кез келген сипаттағы әскери іс-қимыл, оқшаулау, Қазақстан Республикасының мемлекеттік органдарымен шығарылған нормативтік құқықтық актілер салдарлар болса, Тараптар осы Шарт бойынша жауапкершілікті орындамағаны және/немесе тиісті түрде орындамағаны үшін жауапкершіліктен босатылады.

6.3. Форс-мажор жағдайлары туындаған кезде Ұйымдастырушы осындай жағдайлар мен олардың себептері туралы жазбаша хабарламаны Сатушыға дер жолдауы тиіс. Егер Сатушыдан ешқандай жазбаша нұсқаулық түспесе, Ұйымдастырушы Шарт бойынша өз міндеттемелерінің мақсатқа сәйкестігіне қарай орындауды жалғастырады және форс-мажорлық жағдайларға байланысты емес Шартты орындаудың балама тәсілдерін іздеуді жалғастырады.

6.4. Ұйымдастырушы және Сатушы тұрақсыздық айыппұлын төлеу үшін немесе егер Шартты орындаумен байланысты кедергі форс-мажорлық жағдайлардың нәтижесі болып, оның талаптарын орындамаумен байланысты осы Шартты бұзғаны үшін жауапкершілік алмайды.

6.5. Егер форс-мажор жағдайы күнтізбелік 20 (жиырма) күнінен артық созылатын болса, онда Тараптардың әрқайсысы осы Шарт бойынша міндеттерді одан әрі орындаудан бас тартуға құқылы және бұл жағдайда тараптардың ешқайсысы екінші Тарапқа келтірілген шығынының орнын толтыруға құқылы.

7. Өзге де жағдайлар

7.1 Осы Шарт жария оферта болып, Ұйымдастырушымен еркін қолжетімді Ресурста орналастырылады.

7.2 Осы Шарт Қазақстан Республикасының қолданыстағы заңнамасында көзделген негіздер бойынша тоқтатылған сәтке дейін қолданылады.

7.3. Жұмыстар мен қызметтерді сатып алу үшін шарттар веб-порталдар арқылы, оның ішінде goszakup.gov.kz, zakup.sk.kz және еер.mitwork.kz жасалған жағдайда, Ресурста жасалған шарттың басылымы басым күшке ие болады. Ұйымдастырушы осы Шарт бойынша орындалған жұмыстардың актілерін көрсетілген веб-порталдар арқылы ұсынбайды.

7.4. Сатушы осы Шартты бір жақты тәртіпте (бір жақты бас тарту) кез келген уақытта бұзуға құқылы. Осы шартты бұзу туралы өтініш Сатушымен жазбаша түрде Ұйымдастырушыға ұсынылуы тиіс. Ұйымдастырушымен қызмет көрсетуді нақты тоқтату Сатушының жазбаша өтінішінде көрсетілген күннен бастап жүргізіледі. Бұл ретте осы Шарттың бұзылуы Сатушыны пайда болған берешекті төлеу міндетінен босатпайды.

7.5. Осы Шарттың немесе Регламенттің талаптары Сатушымен бұзылған жағдайда, сондай-ақ Қазақстан Республикасының қолданыстағы заңнамасында көзделген өзге де жағдайларда, Ұйымдастырушы осы Шарттың қолданылуын бір жақты тәртіппен (біржақты бас тарту), Сатушының жеке кабинетте көрсетілген электрондық мекенжайына Ресурсқтағы, оның ішінде қатысушы ретінде сауда-саттыққа қатысу үшін қол жетімділікті ажырату туралы электрондық хабарлама жіберу арқылы тоқтата тұруға құқылы.

7.6. Осы Шарттың немесе Регламент талаптарымен реттелмеген барлық жағдайларда Тараптар Қазақстан Республикасының заңнамасын басшылыққа алады.

7.7. Осы Шарт заңды күші бірдей мемлекеттік және орыс тілдерінде жасалды. Мемлекеттік және орыс тілдеріндегі мәтіндері арасында қарама-қайшылықтар туындаған кезде, орыс тіліндегі мәтін басымдыққа ие болады.

8. Тараптардың деректемелері мен қолдары