«Ақпараттық-есептеу орталығы» АҚ

Директорлар кеңесінің

2019 жылғы 6 наурыздағы шешімімен

(№102 Хаттамасы) бекітілген

Мемлекеттік мүлік тізілімінің веб-порталында мүлікті мүліктік жалдауға (жалға алуға) беру бойынша электрондық сауда-саттықтарын өткізу Реттемесіне өзгерістер мен толықтырулар

1.«Ақпараттық-есептеу орталығы» АҚ Директорлар кеңесінің 2017 жылғы 27 желтоқсандағы шешімімен (№ 94 Хаттамасы) бекітілген, Мемлекеттік мүлік тізілімінің веб-порталында мүлікті мүліктік жалдауға (жалға алуға) беру бойынша электрондық сауда-саттықтарын өткізу Реттемесіне келесі өзгерістер мен толықтырулар енгізілсін:

1) 1 -тармақ келесі басылымда баяндалсын :

«1. Осы Реттемеде Қазақстан Республикасының заңнамасында қолданылатын келесі негізгі ұғымдар, сондай-ақ Реттемеде көрсетілген анықтамалар, қысқартулар қолданылады:

1) мемлекеттік мүлік тізілімнің веб-порталы (бұдан әрі – тізілімнің веб-порталы) - Интернет желісінде www.gosreestr.kz мекенжайы бойынша орналастырылған, сатушылар және олармен сатылатын мемлекеттік меншік, квазимемлекеттік секторы объектілері мен мемлекеттік емес мүліктің электрондық деректер базасына (бұдан әрі – деректер базасы) бірыңғай қолжетімділік нүктесін ұсынатын интернет-ресурс;

2) баланс ұстаушы – Қазақстан Республикасының заңнамасы орнатқан тәртібінде, жалдау немесе қосалқы жалдау объектісіне тіркелген жеке немесе заңды тұлға;

3) кепілдік жарна – тендерге қатысу үшін жеке немесе заңды тұлға енгізетін ақшалай сома;

4) жалға алу шарты - мүлікті мүліктік жалдау (жалға алу) шарты;

5) жер учаскесін қосалқы жалдау шарты - жалға берушімен бекітілген, көшедегі сауда объектілерін орналастыру үшін жер учаскелерін ұсыну Ережесінің (бұдан әрі – қосалқы жалдау Ережесі) талаптарына сәйкес, жалға беруші мен жалға алушының арасында жасалатын келісім;

6) жалға беруші - ұйымдастырушымен жасасқан, тізілімнің веб-порталында сауда-саттықты өткізу бойынша электрондық қызмет көрсету туралы шартында орнатылған, тәртібінде тіркелген жеке немесе заңды тұлға (мүліктік жалдау (жалға алу) объектісінің иесі және/немесе ол уәкілеттік берген тұлға);

7) жалдаушы (жалға алушы) - егер Қазақстан Республикасының заңдарында өзгеше немесе жалға берушінің ішкі процедураларымен көзделмесе жеке және заңды тұлғалар;

8) мүлiктiк жалдау (жалға алу) объектісі (бұдан әрі – жалдау объектісі) – жалға берушінің меншігіндегі жылжымалы және жылжымайтын мүлік (заттар);

9) қосалқы жалдау объектісі - қосалқы жалдау Ережесіне сәйкес, көшедегі сауда объектілерін орналастыру үшін арналған және жалға берушіден жалдап алынған жер учаскелері;

10) ұйымдастырушы - тізілімнің веб-порталында сауда-саттықтарды өткізу бойынша электрондық қызмет көрсету туралы шартын жалға берушімен жасасқан «Ақпараттық-есептеу орталығы» акционерлік қоғамы;

11) жеңімпаз – сауда-саттық қорытындылары туралы хаттамасына қол қойған, сауда-саттық туралы хабарламасын қамтитын, барлық талаптарға жауап беретін және объект үшін жалдау ақысының неғұрлым сомасын немесе тендер заты үшін неғұрлым бағасын ұсынған тендерге қатысушы;

12) тендер заты - қосалқы жалдау Ережесіне сәйкес, көшедегі сауда объектілерін орналастыру үшін жер учаскесін/жер учаскелерін қосалқы жалдауға беру құқығы;

13) тендер - бұл жалға беруші үшін ең үздік шарт талаптарын ұсынған тендерге қатысушылардың бірімен оның ұсынған бастапқы шарттарының негізінде жалға беруші шарт жасасуға міндеттенетін, электрондық форматта тізілімнің веб-порталын пайдалана отырып, объектіні мүлiктiк жалдауға (жалға алуға) беру жөніндегі сауда-саттық нысаны;

14) қатысушы – тендерге қатысу үшін орнатқан тәртібінде тіркелген жеке немесе заңды тұлға;

15) электрондық құжат - ақпарат электрондық-цифрлық нысанда берілген және электрондық цифрлық қолтаңба арқылы куәландырылған құжат;

16) электрондық цифрлық қолтаңба (бұдан әрі - ЭЦҚ) - электрондық цифрлық қолтаңба құралдарымен жасалған және электрондық құжаттың дұрыстығын, оның тиесілігін және мазмұнының өзгермейтіндігін растайтын электрондық цифрлық символдар жинағы.»;

2) 3-тармақ келесі басылымда баяндалсын :

«3. Жалға беруші сауда-саттықта берілетін мүлікті қорғау мен бақылауын қамтамасыз етеді және жалдау объектісін немесе қосалқы жалдау объектісін жалға алушыға бергенге дейін мүлік бойынша мәліметтерінің сақталуы мен дұрыстығына жауап береді.»;

3) 4-тармақтың 5) тармақшасы келесі басылымда баяндалсын :

«5) сауда-саттық жеңімпазымен жалдау шартын немесе жер учаскесін қосалқы жалдау шартын жасасу және оның орындалуын бақылау;»;

4) 7-тармақ келесі басылымда баяндалсын:

«7. Жалға берушімен сауда-саттыққа қойылған жалдау объектісі немесе қосалқы жалдау объектісі туралы ақпаратқа, және тізілімнің веб-порталы қызметін реттейтін ақпаратқа бөгетсіз қол жеткізуді ұйымдастырушы қамтамасыз етеді.»;

5) 12-тармақтың 1) тармақшасы келесі басылымда баяндалсын :

«1) жалдау немесе қосалқы жалдау объектісі бойынша қажетті материалдар жиналады;»;

6) 12-тармақтың 8) тармақшасы келесі басылымда баяндалсын:

«8) мүліктік жалдау (жалға алу) шартының немесе жер учаскесін қосалқы жалдау шартының жобасын дайындау жүзеге асырылады.»;

7) 13-тармақ келесі басылымда баяндалсын:

«13. Сауда-саттық өткізу туралы хабарламасын жарияланғанға дейін жалға беруші әрбір лот бойынша келесі ақпаратты тізілімнің веб-порталында деректер базасына енгізуді қамтамасыз етеді:

1) нысаналы мақсатын көрсетумен жалдау немесе қосалқы жалдау объектісі бойынша мәліметтерін;

2) жалдау объектісі немесе қосалқы жалдау объектісі орналасқан жерін;

3) жалдау немесе қосалқы жалдау объектісінің (пошталық мекенжай, телефон, факс, е-mail) меншік иесі (баланс ұстаушы) туралы мәліметтер;

4) жалға берушінің шешімі бойынша қосымша ақпарат.

Енгізілген ақпаратқа қоса 5 данадан аспайтын жалдау немесе қосалқы жалдау объектісінің қалпы туралы ұсынуын қамтамасыз ететін, жалға беруші жалдау немесе қосалқы жалдау объектісінің фотосуреттер деректер базасына қосылуын қамтамасыз етеді.»;

8) 15-тармақ келесі басылымда баяндалсын:

«15. Сауда-саттық өткізу туралы хабарламасын тізілімнің веб-порталында жариялау үшін, жалға беруші қоса әрбір жалдау немесе қосалқы жалдау объектісі бойынша қазақ және орыс тілдерінде келесі мәліметтерін енгізеді:

1) сауда-саттықтың күні мен уақыты;

2) жалдау немесе қосалқы жалдау объектісінің атауы;

3) мүліктік жалдаудың (жалға алудың) мерзімі, мерзімділік, төлем мерзімі мен жалдау төлемі бастапқы мөлшерлемесінің мөлшері;

4) кепілдік жарнаның мөлшері (тиындар көрсетусіз);

5) кепілдік жарнаны аудару үшін ұйымдастырушының банктік деректемелері;

6) тендердің талаптары, сондай-ақ сауда-саттыққа қатысушыға қойылатын қосымша талаптар;

7) тендерге қатысу үшін қажетті құжаттар тізбесі;

8) өтінімдер қабылдап алу мерзімдері;

9) ұйымдастырушының телефоны мен мекенжайы;

10) жалға берушінің телефоны мен мекенжайы;

11) жалға берушінің шешімі бойынша қосымша ақпарат.»;

9) 22-тармақ келесі басылымда баяндалсын:

«22. Қатысушы өтінімді бергенге дейін, сауда-саттық өткізу туралы хабарламасында көрсетілген, ұйымдастырушының есеп-айырысу шотына кепілдік жарнаны аударады.

Тендерге қатысу үшін кепілдік жарнаны жалға беруші:

1) жалдау объектісі үшін бір айлық жалдау ақысы мөлшерінде;

2) тендер заты үшін қосалқы жалдау Ережесімен белгіленген мөлшерінде орнатады.»;

10) 2 6 -тармақ келесі басылымда баяндалсын:

«26. Сауда-саттыққа қатысу үшін өтінімді тіркеген соң, тізілімнің веб-порталы өтінім берілген жалдау объектісі немесе тендер заты бойынша кепілдік жарнаның келіп түскендігі туралы мәліметтердің деректер базасында болуы туралы автоматты түрде тексеру жүргізіледі.»;

11) 27-тармақ келесі басылымда баяндалсын:

«27. Кепілдік жарнаның ұйымдастырушының шотына келіп түсуі туралы мәліметтер деректер базасында бар болуы жағдайында, тізілімнің веб-порталы өтінімді қабылдап алады және объект немесе тендер заты бойынша сауда-саттық қорытындыларын анықтауға дейін кепілдік жарна сомасына блок қояды, сондай-ақ сауда-саттыққа қатысушыға рұқсат береді. Кепілдік жарнаның ұйымдастырушының шотына келіп түсуі туралы мәліметтер деректер базасында жоқ болуы кезінде, тізілімнің веб-порталы қатысушының өтінімінен бас тартады.»;

12) 32-тармақ келесі басылымда баяндалсын:

«32. Сауда-саттықта жеңген қатысушының кепілдік жарнасы кепілдік жарнаны аудару үшін өтінішке ЭЦҚ-сын жалға беруші тізілімнің веб-порталында қол қойған күннен бастап үш жұмыс күні ішінде жалға берушінің шотына ұйымдастырушы аударады және жалдау объектісін жасалған шарт бойынша пайдалғаны үшін есебіне немесе қосалқы жалдау Ережесіне сәйкес тендер затын сатып алу құнының есебіне есептеледі.»;

13) 35-тармақтың бірінші абзацы келесі басылымда баяндалсын:

«35. Жалға беруші тендердің талаптарын, сондай-ақ комиссия шешімі негізінде жалдау объектісінің бастапқы жалдау мөлшерлемесін немесе тендер затының бастапқы бағасын анықтайды. Комиссия жоқ болуы кезінде жалға беруші осы Реттемемен көзделген, комиссия функциялары мен өкілеттігін жүзеге асырады.»;

14) 36-тармақтың бірінші абзацы келесі басылымда баяндалсын:

«36. Жалдау объектісін немесе тендер затын жалғыз тендерге қатысушыға беру рұқсат беріледі. Егер тізілімнің веб-порталы қатысушылардың бірде-бір өтінімін қабылдамаса, онда тендер өткізілмеді деп танылады.»;

15) 37-тармақтың бірінші абзацы келесі басылымда баяндалсын:

«37. Тендерге қатысушылар баға ұсыныстарын ұсыну арқылы, және қатысушылардың біреуі барынша ұсынған бағасына дейін өткізіледі. Баға ұсынысы аукциондық залға кіру кезінде көрсетіледі және жалдау ақысының бастапқы мөлшерлемесінен немесе тендер затының бастапқы бағасынан төмен болмауы тиіс.»;

16) 38-тармақ келесі басылымда баяндалсын:

«38. Тендер келесі түрде өткізіледі:

1) тендер басталған кезде аукциондық залға кіру кезінде көрсетілген, қатысушылардың баға ұсыныстары аукциондық залда көрсетіледі, бұлар тендер талаптарын ұстанумен объектіні жалдауға немесе тендер затын сатып алуға олардың келісімін білдіру нысаны болып табылады және ағымдағы баға қалыптастырылады;

2) тендер басталған кезінен бастап басқа қатысушының осы Реттеменің 37-тармағына сәйкес орнатылған, қадамын барынша ағымдағы бағасын көтеруге қатысушыға мүмкіндік ұсынылады;

3) егер тендер басталғаннан жиырма минут ішінде қатысушылардың бірде біреуі барынша ағымдағы бағасын көтермесе, онда оны ұсынған қатысушы жеңімпаз деп танылады, ал осы объект бойынша тендер өткізілді деп саналады;

4) егер тендер басталғаннан жиырма минут ішінде қатысушылардың біреуі аукциондық залда осы Реттеменің 37-тармағына сәйкес орнатылған, қадамға басқа қатысушының барынша ағымдағы бағасын көтеру арқылы объектіні жалдауға немесе тендер затын сатып алуға өз ниетін растаса, онда ағымдағы баға орнатылған қадамға көтеріледі;

5) егер ағымдағы бағаны көтерген соң жиырма минут ішінде қатысушылардың бірде біреуі ағымдағы бағаны көтеру арқылы объектіні жалдауға немесе тендер затын сатып алуға өз ниетін растамаса, онда объектіні жалдауға немесе тендер затын сатып алуға өз ниетін соңғы растаған қатысушы жеңімпаз деп танылады, ал осы жалдау объектісі немесе тендер заты бойынша тендер өткізілді деп саналады;

6) егер тендер аяқталған кезіне дейін сағат 17:00-де жеңімпаз анықталмаса, онда объектіні жалдауға немесе тендер затын сатып алуға өз ниетін соңғы растаған, қатысушы жеңімпаз деп танылады, ал осы жалдау объектісі немесе тендер заты бойынша тендер өткізілді деп саналады.

Егер тендер басталған кезінен бастап аукциондық залда бір қатысушының баға ұсынысы көрсетілген жағдайында, онда тендер өткізілді деп саналады, ал осы қатысушы жеңімпаз деп танылады.»;

17) 39-тармақ келесі басылымда баяндалсын:

«39. Объект үшін жалдау ақысының ең жоғарғы сомасын немесе тендер заты үшін ең жоғарғы бағасын ұсынған және тендер өткізу туралы хабарламасында көрсетілген, барлық талаптарға жауап беретін қатысушы жеңімпаз деп танылады.»;

18) 40-тармақ келесі басылымда баяндалсын:

«40. Егер тендер басталу кезіне екі және одан көп қатысушылардың баға ұсыныстарының жалдау объектісі үшін немесе тендер заты үшін бірдей ең жоғарғы бағасын қамтыған және осы ағымдағы баға жиырма минут ішінде көтерілмеген жағдайында, онда осы қатысушылардың арасындағы тендер жеңімпазы болып бірдей ең жоғарғы бағасын қамтитын, бұрын басқа қатысушылардың баға ұсынымдарынан аукциондық залда тіркелген қатысушының баға ұсынысы саналады.»;

19) 4 2 -тармақ келесі басылымда баяндалсын:

«42. Тендер қорытындылары туралы хаттамасы тендер қорытындылары бойынша талаптарында жалдау шартына немесе жер учаскесін қосалқы жалдау шартына жеңімпаз бен жалға беруші қол қою міндеттемелерін және тендер қорытындыларын тіркейтін құжат болып табылады.»;

20) 43-тармақ келесі басылымда баяндалсын:

«43. Тендер қорытындылары туралы хаттамасы негізінде:

1) осы Регламенттің 2-қосымшасына сәйкес, үлгілік мүліктік жалдау (жалға алу) шартына сәйкес, жеңімпаздың ұсыныстарына жауап беретін, талаптарында шартқа;

2) жер учаскесін қосалқы жалдау шартқа жеңімпазбен қол қойылады.

Сауда-саттық қорытындылары туралы хаттамасына қол қойылған күнінен бастап бес жұмыс күннен кешіктірмей ЭЦҚ қолдану арқылы жалға беруші мен жеңімпаз жалдау шартқа тізілімнің веб-порталында қол қояды.

Жалға беруші жалдау шартын қалыптастырады және сауда-саттық өткізілген күннен бастап екі жұмыс күннен кешіктірмей жеңімпазға келісу үшін жөнелтіледі.»;

21) 44-тармақ келесі басылымда баяндалсын:

«44. Сауда-саттықты өткізу күні жеңімпаз оның қорытындылары туралы хаттамаға қол қоймаған жағдайында, жалға беруші тізілімнің веб-порталымен қалыптастырылатын сауда-саттық қорытындыларын болдырмау туралы актісіне қол қояды, және осы жалдау объектісі немесе тендер заты жалға берушінің шешімі бойынша сауда-саттыққа қайталап қойылады.»;

22) 45-тармақ келесі басылымда баяндалсын:

«45. Жеңімпаз орнатылған мерзімінде жалдау шартына немесе жер учаскесін қосалқы жалдау шартына қол қоймаған жағдайында, жалға беруші тізілімнің веб-порталымен қалыптастырылатын сауда-саттық қорытындыларын болдырмау туралы актісіне қол қояды, және осы жалдау объектісі немесе тендер заты жалға берушінің шешімі бойынша сауда-саттыққа қайталап қойылады.»;

23) 46-тармақ келесі басылымда баяндалсын:

«46. Төленген кепілдік жарнаның сомасы жеңімпазға жасалған жалдау шарты бойынша жалдау объектісін пайдаланғаны үшін есебіне не жер учаскесін қосалқы жалдау шартын жасағанға дейін тендер затын сатып алу құнының есебіне есептеледі.»;

24) 47-тармақ келесі басылымда баяндалсын:

«47. Жалға беруші кепілдік жарнаны келесі жағдайларда:

1) тендер жеңімпазы ұсыныстарына жауап беретін, талаптарында жалдау шартын немесе жер учаскесін қосалқы жалдау шартын жасасудан бас тарту кезінде жеңімпазға;

2) тендер қорытындылары туралы хаттамасына қол қоймаған жағдайында жеңімпазға;

3) қосалқы жалдау Ережесімен белгіленген өзге жағдайларда кері қайтармайды.»;

25) 8-бөлімнің атауы келесі басылымда баяндалсын:

«8. Жалдау объектісін қабылдап алу-тапсырып беру актісі бойынша беру»;

26) 48-тармақ келесі басылымда баяндалсын:

«48. Жалдау объектісін жалдау шартына қол қойылған соң үш жұмыс күні ішінде баланс ұстаушы (жалға беруші) объектіні, жалға берушімен бекітілетін қабылдап алу-тапсырып беру актісі бойынша жалдаушыға береді.»;

27) 49-тармақ келесі басылымда баяндалсын:

«49. Қабылдап алу-тапсырып беру актісінде келесілер көрсетіледі:

1) акт жасалған орны мен күні;

2) құжаттардың атауы және деректемелері, оларға сәйкес өкілдері тараптардың мүдделерін ұсынуға уәкілетті;

3) жалдау шартының нөмірі мен күні, оған сәйкес объектіні жалдауға беру жүзеге асырылады;

4) берілетін жалдау объектісінің атауы, оның орналасқан жері, техникалық сипаттамалары және айқындалған ақауларының тізбесіне сәйкес қалпы.»;

28) 52-тармақ келесі басылымда баяндалсын:

«52. Сауда-саттық қорытындылары туралы хаттамасына сілтемесін көрсете отырып, жалдау шарты немесе жер учаскесін қосалқы жалдау шартына жалға беруші және жалдаушы арасында жасалады.

Жеңімпаз тендерге қатысу үшін өтінімге тіркелген құжаттардың түпнұсқаларын жалдау шартына қол қою кезінде, сондай-ақ келесі құжаттар салыстырып тексеру үшін жалға берушіге ұсынады:

1) заңды тұлғалар үшін: заңды тұлғаны мемлекеттік тіркеу (қайта тіркеу) туралы анықтамасы немесе куәлігі, жарғысы;

2) жеке тұлғалар үшін: Қазақстан Республикасы азаматының жеке куәлігі не уақытша жеке куәлігі, жеке кәсіпкерді мемлекеттік тіркеу туралы куәлігі (жеке кәсіпкер үшін);

3) заңды тұлғаның өкілі үшін - Қазақстан Республикасы азаматының жеке куәлігі және заңды тұлғаның өкілі уәкілеттіктерін куәландыратын құжат.»;

29) 54-тармақ келесі басылымда баяндалсын:

«54. Жалдау шарты шартта белгіленген мерзімі өткеннен кейін тоқтатылды деп саналады.»;

30) 1 -қосымшасына:

қосымшаның атауы келесі басылымда баяндалсын:

«Жеке және заңды тұлғалардың мүлігін мүліктік жалдауға (жалға алуға) ұсыну бойынша тендерге қатысу үшін
өтінім»;

2-тармақ келесі басылымда баяндалсын:

«2. Біз (мен) жалдау объектісі немесе тендер заты бойынша сауда-саттық қорытындыларын анықтағанға дейін тізілімнің веб-порталы блок қоятын, тендерге қатысу үшін кепілдік жарнасын енгіздім:

»;

3-тармақ келесі басылымда баяндалсын:

«3. Біздің (менің) тендерге қатысушыға (жалға алушыға) қойылатын талаптарға сәйкес еместігіміз айқындалған жағдайда, біз (мен) тендерге қатысу құқығынан айырылатынымызға (ма), мен (біз) қол қойған тендер қорытындылары туралы хаттамасы және мүлікті мүліктік жалдау (жалға алу) шарты немесе жер учаскесін қосалқы жалдау шарты жарамсыз деп танылатынына келісемін.»;

4-тармақ келесі басылымда баяндалсын:

«4. Егер мен (біз) тендердің жеңімпазы (дары) болған жағдайда, өзіме (ізге) тендер қорытындылары туралы хаттамасына тендер өткізген күні қол қою және тендер қорытындылары туралы хаттамасына қол қойылған күннен бастап күнтізбелік бес күннен кешіктірмей, мүліктік жалдау (жалға алу) шартына немесе жер учаскесін қосалқы жалдау шартына қол қою міндеттемелерін қабылдаймыз.»;

5-тармақ келесі басылымда баяндалсын:

«5. Мына:

1) тендерді өткізу күні тендер қорытындылары туралы хаттамаға қол қоймаған;

2) белгіленген мерзімде мүліктік жалдау (жалға алу) шартына немесе жер учаскесін қосалқы жалдау шартына қол қоймаған жағдайларда, мен (біз) енгізген кепілдік жарнаның сомасы қайтарылмайтынымен және жалға берушіде қалатынымен келісемін (міз).»;

6-тармақ келесі басылымда баяндалсын:

«6. Осы өтінім тендер қорытындылары туралы хаттамамен бірге мүліктік жалдау (жалға алу) шартын немесе жер учаскесін қосалқы жалдау шартына жасағанға дейін қолданылатын шарт күшіне ие.».

2. Осы «Ақпараттық-есептеу орталығы» АҚ Директорлар кеңесінің шешімімен бекітілген, Реттемеге енгізілетін өзгерістер мен толықтырулар, 2019 жылдың 11 наурызынан бастап қолданысқа енгізіледі.